Marka 10:22 - Tedim Bible

²² Tua mipa mihau khat ahih manin hih thu a zak ciangin, maikhingin a dahsa-in a paikhia hi.

Tedim Bible Revision 2017

²² Tua mipa mihau khat ahih manin hih thu a zak ciangin, mai khingin a dah sa-in a paikhia hi.

Marka 10:22 Referans Kwoze

Luka 12:15

Tua ciangin Jesuh in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzahta-in mi khat a hauh hangin a neihsa tawh a nuntakna taktak kicing zo lo hi,” a ci hi.

2 TIMOTI NIHNA 4:10

Demas in hih leitung thu kinzaw ahih manin kei hong nusia-in Thesalonika khua-ah a pai hi. Kresen, Galatia gamah pai a, Titus, Dalmatia gamah pai hi.

Efesa 5:5

Nulepa khialhna a gamta mi, a kilawm lo-a a gamta mi, le a huaiham (huaihamna zong milim biakna zahin sia hi) mite in Khrih Ukna le Pasian Ukna sungah bangmah ngah nei het lo ding ahihna uh teltakin thei ta un.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uhah amau’ meetna ding bek ngaihsun uh hi.

2 KORIN NIHNA 7:10

Tua na dahna uh hotkhiatna ngahtheih nadingin na lungsim uh na kheel nadingun Pasian in hong zang ahih manin dah nading bangmah om lo hi. Ahi zongin hih leitung dahna lelte in ahihleh sihna piangsak hi.

Luka 18:23

Ahi zongin tua mipa in hih thu a zak ciangin amah hau mahmah ahih manin a dah a suak hi.

Mattiu 19:22

Tangvalpa in hih thu a zak ciangin, amah hau mahmah ahih manin, mai khingin a paikhia hi.

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Marka 6:26

Hih thu a zak ciangin kumpipa dah mahmah hi. Ahi zongin a kiciamnasa hang le a leenglate’ maitang a zahtakna hangin nial ngam lo hi.

Mattiu 27:3

A lehhek pa Judas in Jesuh a si dingin thu a kikhenna a muh ciangin kisikkik ahih manin siampi liante le upate kiangah a ngun peek sawmthumte va paipih kik a,

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

Marka 10:21

Tua ciangin Jesuh in itna tawh tua mipa enin, “Na khat bek na kisam lai hi. Pai inla, na neih khempeuh na zuak khit ciangin mizawngte tungah na sumkhotte va pia in. Tua hileh vantungah sum na hau ding hi. Tua khit ciangin ka nung hong zui in,” a ci hi.

Marka 10:23

Jesuh in a kiima om a nungzuite enin amaute kiangah, “Pasian’ Ukna sungah mihaute a lut ding uh bangzah takin haksa ahi hiam?” a ci hi.