Marka 10:14 - Tedim Bible

¹⁴ Jesuh in tua thu a phawk ciangin a heh suak a, a nungzuite kiangah, “Naupangte kham kei unla, ka kiangah hong paisak un. Bang hang hiam cih leh Pasian’ Ukna sungah hih bang mite a om ahi hi.

Tedim Bible Revision 2017

¹⁴ Jesu in tua thu a phawk ciangin a heh suak a, a nungzuite kiangah, “Naupangte kham kei unla, ka kiangah hong paisak un. Bang hang hiam cih leh Pasianʼ Ukna sungah hih bang mite a om ahi hi.

Marka 10:14 Referans Kwoze

Mattiu 19:14

Jesuh in, “Vantung ki-ukna pen naupangte tawh a kibang mite a’ ding ahih manin, tua naupangte ka kiangah hong paipihsak unla, khaktan kei un,” a ci hi.

Mattiu 18:10

“Hih naupangnote khatpeuh na simmawhkhak loh nadingun kidawm un. Note kiangah kong genin-ah: Amaute a kem vantung mite pen vantungah ka Pa kiangah om tawntung uh hi.

Mattiu 18:4

Hih naupang bangin a kiniamkhiat mite, vantung ki-ukna sungah a lianpen hi ding hi.

1 PETER MASA 2:2

Naungek suakcilte na bang unla, note khangto-in hotkhiatna na ngahtheih nadingun kha thu tawh kisai nawizu siangtho duh belin na nei tawntung un.

2 TIMOTI NIHNA 3:15

Khrih Jesuh upna hangin hotkhiatna a hong ngahsak thei ding pilna a hong pia Lai Siangtho pen na neutung a kipanin a theisa na hihna thu zong na theihsa thu mah ahi hi.

Mangmuhna 14:5

Amaute, paubaanna om kiuhkeuh lo uh ahih manin zuauthu gen ngei het lo uh hi.

2 TIMOTI NIHNA 1:5

Na pi Lois le na nu Eunis in a neih upna bangte pawl mah, lungsim takpi tawh na upna thu ka phawk a, tu-in zong nang sungah tua bang upna om hi, ci-in ka ngaihsun hi.

Efesa 4:26

Na heh uh ciangin, tua hehna hangin khialkha kei unla, a tawntungin heh paisuak kei un.

1 KORIN MASA 14:20

Sanggamte aw, na thu ngaihsutnate uhah naupang bang kei un. Gitlohna lamah naupang bang unla, ahi zongin thu ngaihsutna-ah a khangham hi ta un.

1 KORIN MASA 7:14

Bang hang hiam cih leh thu um lo pasal pen a zi’ hangin thu um mi suakthei ding a, thu um lo zi pen a pasal’ hangin thu um mi suakthei ding hi. Tua bang hileh a tate uh thu um mi suakthei ding uh hi. Ahi zongin tua bang hi kei le-uh a tate uh thu um mi suakthei lo ding uh hi.

ROM (Romans) 11:28

Jew mite in Lungdamna Thu um loin Pasian’ gal ahihna pen no Gentail mite’ hamphat nading hi a, ahi zongin Pasian’ teelna tawh kisai-in a pupite uh tungah a thuciamna huhau-in Pasian’ pawlte mah hi lai veve uh hi.

ROM (Romans) 11:16

Anlum a ki-em masa sung panin a themkhat Pasian biakna-in a kipiak ciangin a anlum buppi zong Pasian-a’ mah hi pah a, singkung khat’ zung zong Pasian a kipiak ciangin a hiang khempeuh zong Pasian-a’ mah ahi hi.

Sawltak 3:25

Pasian in Abraham kiangah, ‘Na suan na khakte thupha ka piak bangin leitung mi khempeuh thupha ka pia ding hi,’ ci ahih manin, Pasian in ama kamsangte tungtawnin a thuciamte khempeuh eite a’ ding hi a, Pasian in i pu i pate tawh a thuciamte, eite in zong a ngah ding ihi hi.

Sawltak 2:39

Bang hang hiam cih leh Pasian in ama kamciamna pen note tung, na suan na khakte uh tung le gamlapi-a om mi khempeuh, i Topa Pasian in a sap mi khempeuh tungah a hong bawl ahi hi,” ci-in a dawng hi.

Marka 8:33

Ahi zongin Jesuh kihei-in a nungzuite a etkawmin Peter lehtai a, “Satan aw, ka nungah om in. Nang in Pasian’ ngaihsut bangin thu ngaihsun loin, mihing’ ngaihsut bangin na ngaihsun hi,” a ci hi.

Marka 3:5

Jesuh in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Isaiah 65:23

Amaute in a mawk nadingin na sem lo ding uh a, lungkham nadingin ta nei lo ding uh hi. Bang hang hiam cih leh amaute pen Topa’ thupha piak, suanlekhakte hi ding uh a, amau’ tate amaute tawh nungta khawm ding uh hi.

Late 78:4

Hih thute, i tate tungah eite in im loin, a hong piang lai ding khang thakte tungah, Topa’ minthang nasepna, ama vangliatna, ama sepsa na lamdangte i gen ding hi.

Thu-hilhkikna 4:37

Amah in na pate uh itin, amau’ suanlekhakte hong teel a, amahmah in ama vanglian tawh Egypt panin note hong paikhiatpih a,

Gamlak-vakna 14:31

Ahih hangin galte in man ding na cih uh na tate uh, keimah in ka tumpih ding a, note in na thusim loh uh leitang amaute in mu ding uh hi.

Piancilna 17:7

“Nang le nang’ khit cianga na suanlekhakte tungah Pasian hihna ding tawntung thuciam nadingin kei le nang’ khit cianga na suanlekhakte’ tungah amau’ khang tawntungin ka thuciamna ka kipsak ding hi.

1 SAMUEL MASA 1:22

Ahih hangin Hannah paito lo hi. Bang hang hiam cih leh amah in a pasal kiangah, “Naungek nawi tawh a kikhen phetin Topa’ omna mai-ah kilakin tua lai-ah a om tawntung dingin ka paipih ding hi,” a ci hi.

1 SAMUEL MASA 1:11

Amah in thuciamna khat bawlin, “Vanglian Topa aw, nangmah in na nasemnu’ gimna nong et takpi a, keimah hong phawkin na nasemnu hong mangngilh loin na nasemnu tungah tapa khat nong piak leh, Topa’ tungah a khan tawntungin amah kong pia ding a, ama lu-ah mulkiatna kitah lo ding hi,” a ci hi.

Mattiu 5:3

“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

Mattiu 5:10

Pasian’ deihna bangin a gamtat manin bawlsiatna a thuak mite vantung ki-ukna sungah a omte ahih manin thupha ngah mi ahi uh hi.

Johan 3:3

Jesuh in, “A mantakin kong genin-ah, mi khatpeuh a suahkik kei leh Pasian’ Ukna sungah lut thei lo ding hi,” a ci hi.

Johan 3:5

Jesuh in, “A mantakin kong genin-ah, mi khatpeuh tui le Kha Siangtho tawh a suahkik kei leh Pasian’ Ukna sungah lut thei lo ding hi.

Joshua 8:35

Moses in a thupiak kammalte khempeuh Israel mihonpite, numeite, le amaute lakah a teng peemtate mai-ah Joshua in a simloh khatzong om lo hi.