Marka 1:41 - Tedim Bible

⁴¹ Jesuh in hehpihhuaisa ahih manin a khut zanin lawng a, “Nang kong damsak nuam hi,” a ci hi.

Tedim Bible Revision 2017

⁴¹ Jesu in hehpihhuai sa ahih manin a khut zanin lawng a, “Nang kong damsak nuam hi,” a ci hi.

Marka 1:41 Referans Kwoze

Mattiu 9:36

Mihonte a muh ciangin, a cing nei lo tuuhon bangin gimna ngahin lungkhamin om uh ahih manin hehpihhuai a sa hi.

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Hebru 2:17

Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

Marka 6:34

Jesuh, tuigei a tun ciangin mi tampi a na omkhin mu a, amaute, a cing om lo tuute tawh kibang sa ahih manin a khasiat mahmah hi. Tua hi a, amaute thu tampi tak a hilh hi.

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

Marka 5:41

Tua ciangin numeino’ khut lenin, “Numeino aw, tho in,” a cihna, “Talitha kumi,” a ci hi.

Marka 4:39

Jesuh zong tho-in, “Nung nawn kei in,” ci-in huihpi thu pia a, tuihualte kiangah, “Kilok nawn kei un,” a ci hi. Tua ciangin huihnung khawlin dai khipkhep pah hi.

Piancilna 1:3

Pasian in, “Khuavak om hen,” ci hi; tua ciangin khuavak om pah hi.

Late 33:9

Bang hang hiam cih leh amah pau a, leitung hong piang hi; amah in thu pia a, na khempeuh hong om hi.

Marka 1:40

Miphak khat Jesuh kiangah hong pai-in khukdin a, “Topa aw, hong damsak nuam peuh lecin nong damsak thei ding hi,” ci-in a thum hi.

Marka 1:42

Thakhat thu-in a phaknatna bei-in a damsiang hi.