Marka 1:38 - Tedim Bible

³⁸ Ahih hangin Jesuh in, “Hih kiimnai-a om khuadangte-ah pai ni. Keima hong paina pen thuhilh ding ahih manin tua khuate-ah thu ka hilh ding hi,” a ci hi.

Tedim Bible Revision 2017

³⁸ Ahih hangin Jesu in, “Hih kiimnai-a om khua dangte ah pai ni. Keima hong paina pen thuhilh ding ahih manin tua khuate ah thu ka hilh ding hi,” a ci hi.

Marka 1:38 Referans Kwoze

Luka 4:43

Ahi zongin amah in, “Pasian’ Ukna hangin Lungdamna Thu a hilh ding mahin a hong kisawl ahih manin khua dangte-ah zong ka va hilh ding hi,” a ci hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 17:4

Nangmah in sep dingin na hong piak nasep khempeuh sem khinta ka hih manin leitungah na min a thangsak ka hi hi.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Luka 2:49

Jesuh in a nu le a pa kiangah, “Bang hangin kei hong zong na hi uh hiam? Ka Pa’ inn sungah ka om ding lamtak thei lo na hi uh hiam?” ci-in a dawng hi.

Johan 9:4

Sun khuavak laiteng kei hong sawl pa’ na i sem ding hi. Kuamah in na a sep theih loh zan hun zong hong tung ding hi.

Marka 1:37

amah a muh uh ciangin, “Mi khempeuh in nang hong kan uh hi,” a ci uh hi.

Marka 1:39

Tua ahih ciangin Galilee gam sung khempeuhah amah zin a, a kikhopna uh innte-ah thu hilhin dawite a hawlkhia hi.