Marka 1:32 - Tedim Bible

³² Tua nitak lam, ni a tum khit ciangin mite in Jesuh kiangah cina khempeuh le dawivei khempeuh a hong paipih uh hi.

Tedim Bible Revision 2017

³² Tua nitak lam, ni a tum khit ciangin mite in Jesu kiangah cina khempeuh le dawivei khempeuh a hong paipih uh hi.

Marka 1:32 Referans Kwoze

Mattiu 8:16

A nitak ciangin mite in Jesuh kiangah dawivei mi tampi tak hong paipih uh hi. Jesuh in kam khat pauna bek tawh dawite hawlkhia-in cina khempeuh a damsak hi.

Luka 4:40

Ni a tumkhit ciangin natna tuamtuam a nei mi khempeuh Jesuh kiangah hong paipih uh a, Jesuh in amaute khempeuh tungah a khut nga-in a damsak hi.

Marka 3:2

Jesuh gamtakhial hi, ci-in a mawhsak nuam mi pawlkhat tua lai-ah om uh a, Sabbath ni-in hih mipa a damsakkha hiam, ci-in vil gige uh hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Marka 1:21

Tua ciangin Kapernaum khua tung uh a, a Sabbath ni-in kikhopna inn sungah Jesuh pai-in thu hilh ding a kipan hi.

Mattiu 8:17

Kamsang Isaiah in, “Amah in eite’ natna teng thuakin, eite’ gimna teng puakhia hi,” ci-in a genna thu a tun nadingin hih bang a piang ahi hi.

Marka 1:31

Amah zong tua nu kiangah pai a, a khutin lenin a phongto hi. A natna dam a, a zinte zong a dozo pah hi.

Luka 4:41

Mi tampi sung panin dawite zong taikhia uh a, “Nang pen Pasian’ Tapa na hi hi,” ci-in a kiko uh hi. Amah pen Khrih ahihlam thei uh ahih manin amaute taii-in pausak lo hi.