Marka 1:28 - Tedim Bible

²⁸ Tua ahih ciangin hih Jesuh’ thu in Galilee gam sung khempeuh thakhatin a zelpak hi.

Tedim Bible Revision 2017

²⁸ Tua ahih ciangin hih Jesuʼ thu in Galilee gam sung khempeuh thakhatin a zel pak hi.

Marka 1:28 Referans Kwoze

Luka 4:37

Hih Jesuh’ thu tua gam mun khempeuhah a kiza hi.

Mattiu 9:31

Ahi zongin amaute paikhia uh a, tua gam sung khempeuhah hih thu a zasak uh hi.

Luka 4:17

a nget bangin a sim dingin kamsang Isaiah Lai Siangtho bu a kipia hi. A laibu lemin a simnopna mun a zon ciangin a nuai-a bangin a kigelhna mun mu-in a sim hi. Tua munah,

Marka 1:45

Ahih hangin a mipa paikhia-in a paina khempeuhah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin mite’ theihin khua sungah Jesuh lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Micah 5:4

Amah in Topa’ thahatna tawh a mite uk ding a, Topa ama Pasian’ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Mattiu 9:26

Hih thupiang tua gam khempeuhah a kizel hi.

Marka 1:27

Mi khempeuh in lamdangsa uh a, khatlekhat in, “A bangci thu ahi hiam? Bang thuthak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.

Marka 1:29

Tua ciangin kikhopna inn panin amaute paikhia-in Simon le a nau Andru’ inn-ah paisuakpah uh a, James le a nau Johan in zong a zui uh hi.

Luka 7:17

Hih Jesuh thu pen Judea gam sung le a kiim gam khempeuhah kizel hi.