Marka 1:26 - Tedim Bible

²⁶ Dawi gilo in tua mipa kongkaw sakin a linsakgawp khit ciangin nakpitakin awngin ama sung panin a paikhia hi.

Tedim Bible Revision 2017

²⁶ Dawi gilo in tua mipa kongkaw sakin a linsak gawp khit ciangin nakpi takin awngin ama sung panin a paikhia hi.

Marka 1:26 Referans Kwoze

Marka 9:26

A dawi nakpitakin kiko-in naupang a kongkawtsak khit ciangin a taikhia hi. Naupang pen misi tawh kibangin omcip ahih manin mi khempeuh in, “Si ta hi,” a ci uh hi.

Marka 9:20

Amaute in zong Jesuh kiangah a naupang hong paipih uh hi. Dawi in Jesuh a muh phetin naupang kongkawsak ahih manin leilakah pukin kikhuk a, a cilphuan a bua hi.

Luka 11:22

Ahi zongin amah sangin a hatzaw mi khat in amah simin a zawhgawp khit ciangin, ama muan a hiam khempeuh laksakin a pawlte tawh a hawm hi.

Luka 9:42

A naupang hong pai laitakin dawi in leilakah tuksakin a kongkawcipsak hi. Ahi zongin Jesuh in a dawi taii a, naupang damsakin, a pa kiangah a piakik hi.

Luka 9:39

Dawi in amah man a, thakhat thu-in kikogawp hi. A cilphuan a buak dongin kongkawcipsak a, gimsak gawp a, nusia nuam lo hi.

Marka 1:25

Jesuh in, “Pau kei in; hih mipa sung panin paikhia in,” ci-in tua dawi tungah thu a pia hi.

Marka 1:27

Mi khempeuh in lamdangsa uh a, khatlekhat in, “A bangci thu ahi hiam? Bang thuthak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.