Marka 1:15 - Tedim Bible

¹⁵ “A hunhoih hong tungta a, Pasian’ Uk ding hun hong kipanta hi. Na mawhna uh kisikkik unla, hih Lungdamna Thuthak um un,” ci-in a hilh hi.

Tedim Bible Revision 2017

¹⁵ “A hunhoih hong tung ta a, Pasianʼ Uk ding hun hong kipan ta hi. Na mawhna uh kisikkik unla, hih Lungdamna Thuthak um un,” ci-in a hilh hi.

Marka 1:15 Referans Kwoze

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

Mattiu 4:17

Tua hun a kipan Jesuh in thuhilh ding kipan a, “Vantung ki-ukna hong naita ahih manin kisikin na omzia uh kheel un,” ci-in thu a hilh hi.

Efesa 1:10

Tua a geel thu pen, a hunhoih a tun ciangin Khrih khutnuai-ah, vantung le leitungah a om khempeuh gawm ding ahi hi.

Sawltak 20:21

Jew mi le Gentail mite a mawhna panun Pasian’ lamah kihei-in i Topa Jesuh a up nadingun thu ka gen khinzo hi.

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Luka 10:9

tua khuasunga cinate damsak un. A khuamite kiangah, ‘Pasian’ Uk nading hun note a dingin hong naita hi,’ ci-in gen un.

Mattiu 10:7

Na paina peuh uhah, ‘Vantung ki-ukna hong naita hi,’ ci-in thu va hilh un.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Luka 10:11

‘Na khuasung uha leivui, ka khe tung uhah a hong bangte nangawn, note hilhkholhna-in ka nulkhia uh hi. Ahi zongin Pasian’ Uk nading hun a hong naina thu thei ta un,’ ci-in gen un.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik ding a, kum sawmguk le nih mun sagih sung kip ding a, ahih hangin buai hun sung ahi ding hi.

ROM (Romans) 16:26

Ahi zongin mi khempeuh in Pasian umin a zuihtheih nadingin tu-in kamsangte’ laigelhnate le a nungta tawntung Pasian’ thupiakna tawh tua thu ki-imcip pen a hong kipholak ta ahi hi.

1 TIMOTI MASA 2:6

Mi khempeuh a tankhia dingin tua Jesuh hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.