Marka 1:13 - Tedim Bible

¹³ Gamlakah ni sawmli sung om a, Satan in tua hun sungteng a ze-et hi. Tua lai-ah gamsa gilote zong om a, ahi zongin vantung mite hong pai-in amah huhin an a vak uh hi.

Tedim Bible Revision 2017

¹³ Gamlak ah ni sawm li sung om a, Satan in tua hun sungteng a ze-et hi. Tua lai ah gamsa gilote zong om a, ahi zongin vantung mite hong pai-in amah huhin an a vak uh hi.

Marka 1:13 Referans Kwoze

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Paikhiatna 34:28

Tua lai-ah sun sawmli le zan sawmli sung Topa tawh Moses om a, tua hun sungteng anletui a ne kei hi. Amah in suangpek tungah thuciamna kammalte ahi thupiak sawmte a gelh hi.

Mattiu 26:53

Ka Pa kiangah ngen hi leng, vantung galkapte hon sawm le hon nih val, thakhat thu-in hong puakpah theih ding lamtak thei lo na hi hiam?

Thu-hilhkikna 9:25

“Tua ahih ciangin Topa in note ka susia ding ci ahih manin hih sun sawmli le zan sawmli sung Topa’ mai-ah kunin ka om hi.

Thu-hilhkikna 9:18

Tua ciangin a masa-a bangin sun sawmli le zan sawmli sung Topa’ mai-ah kunin ka om a, ama heh nadingin phinin, Topa’ muhna-ah a sia gamtatna tawh note’ khialhnate khempeuh hangin an ne lo, tui dawn loin ka om hi.

Thu-hilhkikna 9:11

Sun sawmli le zan sawmli a cin ni-in kiciamna suangpek nihte Topa in kei hong pia hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Paikhiatna 24:18

Meii sungah Moses tum a, mualtungah paito hi. Moses sun sawmli le zan sawmli sung mualtungah a om hi.

Mattiu 4:1

Tua ciangin Dawimangpa’ ze-etna a thuak dingin Kha Siangtho in gamlakah Jesuh a paipih hi.

Luka 4:1

Kha Siangtho tawh a kidimin Jordan gun panin Jesuh hong ciahkik a, Kha Siangtho in gamlakah paipihin,