Marka 1:10 - Tedim Bible

¹⁰ Tui sung panin Jesuh a thawhkhiat khit phetin vantung kihongin, ama tungah vakhu bangin Kha Siangtho a hong kumsuk a mu hi.

Tedim Bible Revision 2017

¹⁰ Tui sung panin Jesu a thawhkhiat khit phetin vantung kihongin, ama tungah vakhu bangin Kha Siangtho a hong kum suk a mu hi.

Marka 1:10 Referans Kwoze

Luka 3:22

vakhu pumpi lim nei-in Kha Siangtho ama tungah hong kumsuk hi. Tua laitakin vantung panin aw khat hong ging a, “Nang pen ka it ka Tapa na hi a, nangma tungah ka lungkim mahmah hi,” a ci hi.

Mattiu 3:16

Jesuh a kituiphum khit phetin tui sung panin a paikhia pah hi. Tua laitakin vantung hong kihong a, vakhu bangin Pasian’ Kha Siangtho hong kumsukin ama tungah a khawl a mu hi.

Isaiah 64:1

Nangma langte tungah na min na theihsakna ding le nangma omna-ah minamte lau-in a lin nadingin mei in selkeu kuangsakin mei in tui a sosak bangin nangma mai-ah mualte a lin nadingin bang hangin na vangliatna tawh vantung balkekin hong paisuk lo na hi hiam?

Isaiah 42:1

Keimah in ka huh, ka teel, ka lungkimna ka nasempa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Ezekiel 1:1

Kum sawmthum ka phak kum, a kha lina, a ni nga ni-in Babylon gam a om Khebar Gun gei-ah sala om Jew midangte tawh ka om laitakin maang ka mu hi. Tua ka maangmuhna ah van hong kihong a, Pasian ka mu hi.

Marka 1:9

Tua laitakin Galilee gam sunga om Nazareth khua panin Jesuh hong pai a, Jordan Gun sungah Johan in amah a tuiphum hi.

Marka 1:11

Vantung panin aw khat hong ging a, “Nang pen ka it mahmah ka Tapa na hi a, nang tungah ka lungkim mahmah hi,” a ci hi.