Malakhi 4:2 - Tedim Bible

² Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Tedim Bible Revision 2017

² Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Malakhi 4:2 Referans Kwoze

Jeremiah 33:6

Ahih hangin tu-in, keimah in hih khuapi ka damsak ding a, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong piapa ahi hi. Thumanin a gamta mite tungah Topa in na hoih bangmah siit lo hi.

Isaiah 30:26

Tua tham loin, Topa in ama mite’ liamma tuamin ama satna meimate a damsak ni ciangin, khataang pen nitaang bang ding a, nitaang pen ni sagih sunga taangzah bangin a zah sagihin a taang ding hi.

Luka 1:78

I Pasian lungnem mahmah a, hehpihna hong nei hi. Eite tungah hotkhiatna khuavak hong taangsak ding a,

Johan 8:12

Tua khit ciangin Jesuh in mihonte kiangah a thugenna khatah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Isaiah 53:5

Ahih hangin eite’ khialhna hangin amah kiliamsak a, eite’ mawhna hangin amah kisatnim hi. Ama gim thuakna hangin nopna i ngah a, ama liamna hangin damna i ngah hi.

Malakhi 3:16

Topa a zahtak mite khatlekhat tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Mangmuhna 22:16

“Keimah Jesuh in pawlpite a dingin hih thute nang kiangah a hong gen dingin ka vantungmi ka hong sawl hi. Kei pen David’ zung le a suan ahi, zingsol ka hi hi,” a hong ci hi.

Johan 1:4

Nuntakna a nei khempeuh in tua Thu tung panin a nuntakna uh ngah a, tua nuntakna in mi khempeuh tungah khuavak hong tunpih hi.

2 SAMUEL NIHNA 23:4

amah pen amaute tungah zingsang khuavak bangin taang ziazua a, meii kaai loh ni zingsang a ni taangkhia, leilak panin lopate a selsak guahtui tawh kibang hi.

Mangmuhna 22:2

khuapi sung lampi laizangah a luang hi. Tua gun pang tuakah nuntakna singkung po a, kha simin gah ahih manin kum khat sungin sawm le nih vei a gah hi. A tehte zong natna dam nading zatui-in kizang hi.

2 PETER NIHNA 1:19

Tua ahih manin kamsangte’ gen thute a man taktak ahihna thu ka teltheih uh hi. Note’ lungsimah Zingsol hong suakin khua a hong vak matengin khuamial lak a mei taang bangin hih thute ngaihsun le-uhcin hoih mahmah ding hi.

Ruth 2:12

Topa in na gamtatnasate a pha tawh hong thuk a, a liimnuai beel dinga na paina Israel-te’ Pasian, Topa in thaman a cingin hong pia ding hi,” a ci hi.

Mangmuhna 2:28

Amaute tungah zingsol zong ka pia ding hi.

Late 147:3

Amah in lungsim kitamte damsak a, amau’ meimate a tuamsak hi.

Late 103:3

Amah in ka mawhna khempeuh hong maisak a, ka natna khempeuh hong damsak hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Isaiah 35:6

Tua ciangin khebai mipa diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah luitui hong luang ding hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Sawltak 13:47

Bang hang hiam cih leh Topa in kote kiangah thu hong pia khinzo a, ‘Leitung mi khempeuh in hotkhiatna a ngahtheih nadingin Gentail mite’ khuavak ahi dingin ka hong koih hi,’ hong ci hi,” a ci uh hi.

Johan 9:4

Sun khuavak laiteng kei hong sawl pa’ na i sem ding hi. Kuamah in na a sep theih loh zan hun zong hong tung ding hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

Ezekiel 47:12

Hih gun pang tuakah a gah nek dingin singkung nam khempeuh po ding hi. A tehte pulh ngei lo ding a, a gah tawh zong kilawi ngei lo ding hi. Biakinn panin a luangkhia tui ngah ding uh ahih manin khasimin a gah thak gah tawntung ding uh hi. A singgahte an ding hi ding a, a tehte zatui-in kizang ding hi,” hong ci hi.

Isaiah 50:10

Topa kihta a, a nasempa’ thu a mangte khempeuh khuamial sungah na pai hangun Topa muang unla, Pasian suanin nei un.

Isaiah 9:2

Khuamial sunga a pai mite in khuavak lianpi mu khinta a, khuamial thukna gam sungah a teng mite tungah khuavak taang khinzo hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

Late 85:9

I gam sungah minthanna a om theih nadingin amah a zahtakte a dingin ama hong hotkhiatna hong om takpi hi.

Late 67:1

Pasian in eite hong hehpihin thupha hong pia hen la, eite khempeuh tungah a mai hong taangsak tahen.

Mangmuhna 11:18

Na hehna hong kilat hun hong tungta a, misite thukhen nading hun hong tungta ahih manin minam dangte heh mahmah uh hi. Nangma nasem kamsangte, a lian a neu, nang hong kihta mi khempeuhte thaman na piak ding hun hi ta a, leitung a susia mite na suksiat ding hun hi ta hi,” a ci uh hi.

1 JOHAN MASA 2:8

Ahi zongin note kiangah ka hong gelh thupiakna pen na zak ngei loh uh thuthak hi a, Khrih gamtatna le note’ gamtatnate in tua thu a man taktak ahihna hong kilangsak hi. Tu-in khuamial beita a, khuavak taktak hong taang khinta hi, cihna pen thuthak ahi hi.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.

2 THESALONIKA NIHNA 1:3

Sanggamte aw, note’ upna nakpitakin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Johan 1:8

Tua Johan mahmah pen khuavak hi lo a, khuavak thu a gen dingin a hong pai ahi hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Luka 1:50

amah a zahtak mite tungah a khangkhangin hehpihna a lak hi.

Mattiu 23:37

“Jerusalem, Jerusalem aw, kamsangte na that a, Pasian’ sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi.

Jeremiah 17:14

Topa aw, hong damsak lecin ka natna teng bei ding a, hong honkhia lecin kei ka suakta ding hi. Bang hang hiam cih leh nang pen ka hong phatpa na hi hi.

Isaiah 49:6

Amah in, “Jakob minamte a laamto ding le a suaktalai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Sawltak 13:26

“Abraham’ suan ka behte le Pasian a bia Gentail mi khempeuh aw, hih hotkhiatna thu pen eite a dingin Pasian in a hong puak ahi hi.

Johan 12:40

“Amaute’ natna ka damsak loh nadingin a mit un mu loin, a lungsim un a theihtheih loh nadingun amaute’ mit ka tawsak a, a lungsim uh ka mawlsak hi, Pasian in ci hi,” ci-in zong na gen lai hi.

Late 61:5

Bang hang hiam cih leh Pasian aw, ka thuciamnate khempeuh nangmah in na za khin a, nangmah a hong zahtak mite’ ngah dingte keimah nong pia khinta hi.

Jeremiah 30:17

Bang hang hiam cih leh Topa in kong cihin-ah, na galte un note, pampaih mi pawl, hong ci-in, ‘Kuama don loh Zion na hi hi,’ hong cih uh hangin note kong cidamsakkik ding a, na liammate uh ka damsak ding hi.