Biblia Todo Logo
Bib sou entènèt

- Piblisite -




Malakhi 3:2 - Tedim Bible

2 Ahi zongin ama hong pai ni ciangin kua in thuakzo ding a, amah hong kilaak ciangin kua nungtazo ding ahi hiam? Amah pen, sikte a siangthosak mei, le puante a siangthosak satpiang tawh kibang hi.

Gade chapit la Kopi

Tedim Bible Revision 2017

2 Ahi zongin ama hong pai ni ciangin kua in thuak zo dinga, amah hong kilaak ciangin kua nungta zo ding ahi hiam? Amah pen, sikte a siangthosak mei le puante a siangthosak satpiang tawh kibang hi.

Gade chapit la Kopi




Malakhi 3:2
47 Referans Kwoze  

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.


Amaute’ hehna hangin gimna hun hong tungta ahih manin kua in thuakzo ding ahi hiam?” a ci uh hi.


Hih thupiang khempeuh thuakzawh nading thahatna na neih nading uh, le Mihing Tapa mai-ah na dintheih nadingun a tawntungin thu ngenin vil niloh un,” a ci hi.


Topa’ thukhenna tu-in ka hong gen ding hi: Amah in keima tungah, “Nang pen ka tapa na hi a, tuni-in na Pa ka suak hi.


A buh cilsate a zapsiang nadingin amah in a khut sungah lawhpi tawi a, a takteng ansal sungah koihin, a siteng a mit ngei lo mei sungah a khul ding hi,” ci-in a gen hi.


Tu mahmahin sing a bulphuk dingin hei tawh kingimzo hi. Gah hoih a gah lo singkung khempeuh kiphukin meikhuk sungah kikhul ding hi,” a ci hi.


Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.


Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.


Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.


Note in amah na thei ngei kei uh a, ahi zongin ke’n ka thei hi. Amah ka thei kei hi, a ci hi leng, note mah bangin kei zong a zuau ka hi ding hi. Ahi zongin ke’n amah thei ka hih manin ama thu ka mang hi.


Tua ciangin Simeon in amaute thupha a piak khit ciangin naungek’ nu Mary kiangah, “Hih naungek pen, Israel mite sungah mi tampi in siatna a ngah nading, le mi tampi in hotkhiatna a ngah nading ahi hi. Mi tampi in hih naungek nial ding uh a,


Vuttui tawh kisilin satpiang tampi na zang zongin na mawhna nin ka mu lai veve hi, Topa Pasian in kong ci hi.


Topa in hih bangin ci hi: “Tu-in hong pai unla, thu kikumkhawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.


Meitui lei dingin amaute a paikhiat kal sungin zineipa hong tung hi. A kigingsa-in a om nungakte in zineipa dawnin mopawi bawlna sungah a lutkhawm pah uh hi. Tua khit ciangin kong kikhak hi.


leitung a puansawpte kuamah in a paaksak zawh loh dong ding zahin a puante pakin a tee hi.


Tua bangin kong hih ciangin hang nawn dingin ki-um a, na khuttum likngam lai dingin ki-um na hi hiam? Topa ahi keimah in thu ka gen khin a, ka gen bangin ka gamta ding hi.


Puan hoih mahmah, siangin a pak mahmahte, ama silh dingin kipia hi,” a ci uh hi. Tua puan hoih pen Pasian’ mi siangthote’ gamtatna mante ahi hi.


“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.


Kei hong umte pen a lungdamhuai mahmah ahi hi,” ci-in a dawng hi.


Tua ciangin Bethshemesh mite in, “Hih a siangtho Pasian, Topa’ mai-ah kua omzo ding ahi hiam? Eite’ kiang panin kua kiangah amah paisak ding ihi hiam?” a ci uh hi.


Ahih hangin nang na kihtakhuai mahmah hi. Na heh khit phot ciangin nangma mai-ah kua ding ngam nawn ding ahi hiam?


Topa aw, nangmah in mawhneite ciamteh lecin, Topa aw, kua in thuakzo ding ahi hiam?


Ngun a ek teng paikhia lehang sikseekpa in na hoihpi piangsak thei hi.


Zion-a a om mawhnei mite lau uh a, Pasian’ thu a ngaihsun lo mite lau-in lingcip uh hi. Amaute in, “Pasian’ thukhenna pen a kuang tawntung mei tawh kibang hi. Tua bang meikuang kua in thuakzo ding ahi hiam?” ci uh hi.


Mi pawlkhat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasian’ sehsa hun a tunna ahi hi.


Ama mihonpite tam mahmah uh ahih manin amaute thu pia-in a mai uhah Topa awng a, ama thupiakna bangin a semte hat mahmah uh hi. Topa’ ni ding kihtakhuai mahmah ahih manin a thuakzo ding kua om ding ahi hiam?


Ama hehna kua in nangzo ding a, ama lunghamna kua in thuakzo ding ahi hiam? A hehna, meikuang bangin hong khahkhia a, ama mai-ah suangtumpite kitamzan hi.


Sodom le Gomorrah le kuamte khempeuh lam nga sukin khuadak a, leitang khu pen, meiphualpi khu bangin a kah to a mu hi.


“Ngun a kitawh khiatna a khuk om a, kham a kisiansakna a mun mah om hi.


Swiv nou:

Piblisite


Piblisite