Malakhi 2:3 - Tedim Bible

³ Na suanlekhakte uh nakpitakin ka thuhilh ding a, note ahihleh, na biakpiakna ganhing uh a ekte tawh na maitang uh hong zut gawpin tuate tawh kong lawnkhia khawm ding hi.

Tedim Bible Revision 2017

³ Na suanlekhakte uh nakpi takin ka thuhilh dinga, note na hih uh leh, na biakpiakna ganhing uh a ekte tawh na maitang uh hong zut gawpin tuate tawh kong lawn khia khawm ding hi.

Malakhi 2:3 Referans Kwoze

Nahum 3:6

Nang hong huatbawlin ninbulom tawh kong kidimsak ding a, mite in lamdangsakna tawh nang hong en ding uh hi.

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah uh bangin, kei zong mi khempeuh mai-ah simmawhna le niamkhiatna kong ngahsak ding hi,” a ci hi.

Joel 1:17

Guahtui om lo ahih manin khai kituhte khempeuh lei sungah keucip a, an khol ding bangmah om nawn lo ahih manin ansalte khempeuh a vekin kisia khinta hi.

1 KUMPI MASATE 14:10

Tua ahih ciangin en in, mi khat in a bei matengin ek a haltum mah bangin Jeroboam innkuan tungah siatna tungsakin, sal le sal ahi lo mi a kibangin pasal khempeuh Jeroboam innkuan panin ka susia ding a, Israel sungah Jeroboam innkuan ka beisiangsak ding hi.

Paikhiatna 29:14

Ahih hangin bawngtal sa le a vun le a ekte, giahphual pua lamah mei tawh na hal ding hi. Tua pen khialhna hanga biakna ahi hi.

1 KORIN MASA 4:13

Zahpihna kam tawh hong kihopih ciangin kamkhum tawh ka dawng uh hi. Mite’ muhna-ah tuni ciang dong ninbulom le leivuithem bang bek ka hi uh hi.

Luka 14:35

Lei hoihsak nadingin kizang thei lo a, eklei dingin zong kibawl thei lo ahih manin paihmawk a kul hi. Tua ahih manin zak nading bil a neite in za ta un,” a ci hi.

Jeremiah 8:2

Amaute in a it uh, a na a sepsak uh, a delh uh, a zon uhleh a biak uh ahi ni le kha le vana om nate khempeuh mai-ah a kiphokhia ding hi. Tua guhte kikhawm nawn lo ding a, kiphum nawn lo ding hi. Leilak a ek kinusia bang ahi lel ding hi.

JOB (Job) 20:7

leivui them bangin maimang veve lel ding hi. Amah a thei ngei mite in, ‘Amah koi-ah omta ahi hiam?’ ci-in lamdangsa ding uh hi.

Siampi Laibu 26:16

keimah in note tungah hih bangin kong hih ding hi: Note’ tungah hong tung dingin keimah in thakhatthu a dipkuatna, zawngkhalna, le mite siasakin nuntakna a kiamsak ding cisa natna kong tungsak ding hi. Note’ lopawi zong a mawkna hi ding hi; bang hang hiam cih leh na galte un tuate ne ding hi.

Thu-hilhkikna 28:38

“Khaici tampi lo-ah na tuh ding uh a, ahi zongin tawmno bek na khawm ding uh hi; bang hang hiam cih leh kauphe in nemang ding hi.

Late 47:5

Awging tawh Pasian paito a, peengkul aw tawh Topa paito hi.

Joel 1:10

Lo ante kisusia a, leengguite keutum hi. Oliv kungte keugaw a, lolai-ah bangmah om nawn lo ahih manin leitang lungzuangin a thum hi.