Malakhi 2:2 - Tedim Bible

² Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uhleh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsakzo hi.

Tedim Bible Revision 2017

² Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak dinga, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsak zo hi.

Malakhi 2:2 Referans Kwoze

Mangmuhna 14:7

Amah nakpitakin kiko a, “Amah in mihingte thu a khen ding hun hong tungta ahih manin Pasian kihta unla amah phat un. Van le lei, tuinak le tuipite a bawlpa hong bia ta un,” a ci hi.

Luka 17:18

Bang hangin hih gamdang mipa bek Pasian’ tungah lungdamna a ko dingin hong kileh ahi hiam?” a ci hi.

Late 69:22

Amau’ mai-a kilui ante thangzak suaksak inla, amau’ biakna pawi ante tehlop suaksak in.

1 PETER MASA 4:11

Minthanna le vangliatna a nei tawntung Pasian in Jesuh Khrih hangin thu khempeuhah phatna a ngah theih nadingin thuhilhte in Pasian’ thu na hilh unla, na a semte in Pasian’ piak thahatna tawh na sem un. Amen.

Malakhi 3:9

Na minam bupun keima neihsa hong guksak na hih manun note khempeuh tungah samsiatna hong tung hi.

Ezekiel 3:7

Ahi zongin Israel mite khat beek in na thu hong ngai lo ding uh hi. Keima kam teekteek nangawn ngai lo ding uh hi. Amaute a lungsim uh khauh a, demnopna lungsim nei uh hi.

Mangmuhna 16:9

Nisa in mite kanggawp ahih manin mite in hih gimna tawh kisai-ah thu a nei Pasian a samsia uh hi. Ahi zongin a mawhna uh panin kisikin Pasian a phat ding uh ut lo uh hi.

Haggai 1:9

“An hau dingin na kilamet uh hangin tawmcik bek na nei uh hi. Na neihsunte nangawn uh inn na tunpih uh hangin kong mutkhiatsak mang khin hi. Bang hangin tuacih ka hi hiam? Note khempeuh, nomau’ inn ding ciat lamin na manlah uh a, ka biakinn a siapi-in na koihdakna hang uh ahi hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lumkhop ding na nei kei uh hi. Sum thalawhte in zong a khamkhop ding uh thalawh zo lo uh hi.

Jeremiah 34:17

Tua ahih manin Topa in kong cihin-ah: Mi khempeuh in na sanggam na mipihte uh khahkhia loin, suahtakna pia loin ka thu hong mang lo na hih uhleh, en un, Topa in kong cihin-ah, note hong khahkhia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khahkhia a, kong suaktasak hi. Leitung gam khempeuhte’ hong lipkhap dingin kong bawl hi.

Isaiah 57:11

Nang zuautatin kei na hong phawk kei hi. Kei na hong ngaihsut loh nading a piangsak zah dingin hih pasian-te bang hi leltak ahi hiam? Sauveipi sung pau loin ka om hithiat manin kei hong zahtak lo na hi hiam?

Isaiah 47:7

Nangmah in, “Tonu ka hi tawntung ding hi,” ci na hih manin hih thute na lungsimah koih loin, a thumongte zong na phawkkha kei hi.

Isaiah 42:25

Tua ahih ciangin amah in ama hehna so leh galkidonate eite tungah hong tungsak hi. Israel mi khempeuh lakah ama hehna mei bangin hong kuang a, ahih hangin eite in bangmah i thei kei hi. Tua bang i thuakna hangin eite in bangmah i phawk thei tuan kei hi.

Joshua 7:19

Tua ciangin Joshua in Akhan kiangah, “Ka tapa aw, Israel Topa Pasian minthangsak inla, amah phat in. Tu-in na gamtatnasate kei tungah hong gen inla, bangmah hong im kei in,” a ci hi.

Paunak 3:33

Topa in migilote’ innsung samsia a, thuman mite’ innsung thupha a pia hi.

Malakhi 2:1

Vanglian Topa in hih bangin ci hi: “Siampite aw, note a dingin hih lai-ah thupiakna khat om hi.