Malakhi 2:1 - Tedim Bible

¹ Vanglian Topa in hih bangin ci hi: “Siampite aw, note a dingin hih lai-ah thupiakna khat om hi.

Tedim Bible Revision 2017

¹ Vanglian Topa in hih bangin ci hi: “Siampite aw, note adingin hih lai ah thupiakna khat om hi.

Malakhi 2:1 Referans Kwoze

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Kei pen na pa uh hinapi, bang hangin hong zahtak lo a, na topa uh hinapi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Hosea 5:1

No siampite aw, hih thu ngai un! No Israel mite aw, thudon un. Kumpipa’ innkuante aw, ngai un! Note in midangte tungah thu a khen ding hinapi-in, note tungah thukhenna hong tung ding hi. Bang hang hiam cih le note in mite’ awk nadingin Mizpah mualah thang na siah uh a, mite’ awk nadingin Tabor mualah ngenthang na hi uh hi.

Jeremiah 13:13

Tua ciangin nangmah in amaute kiangah, ‘Topa in hong cihin-ah: En un, David’ tokhom tungah a tu kumpite, siampite, kamsangte, le Jerusalem khua-a a teng mi khempeuh a kipan gam sungah a om mi khempeuh zu tawh kidim sakin ka khamsak ding hi.

Kah la 4:13

Kamsangte le siampite in mawhna a bawl manun mi siangtho midikte’ sihna a hong piang ahi hi.

Malakhi 1:14

A tuuhon lakah tuutal cidam nei napi-in, a kamciamsa bangin kei tungah hong piak ciangin, a sitbaang ganhing a hong pia mi khempeuh in samsiatna thuak tahen. Bang hang hiam cih leh kei pen a lian mahmah Kumpipa ka hi a, minam khempeuh in kei hong zahtak uh hi,” a ci hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uhleh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsakzo hi.