Biblia Todo Logo
Bib sou entènèt

- Piblisite -




Malakhi 1:7 - Tedim Bible

7 Note in ka biakna tau tungah keimah biakna-in an ginalopite hong pia hinapi-in, ‘Kong zahtak bawl lohna uh bang om ahi hiam?’ na ci uh hi. Ka biakna tau simmawhbawl na hih manun hong zahtak bawl lo na hi uh hi.

Gade chapit la Kopi

Tedim Bible Revision 2017

7 Note in ka biakna tau tungah keimah biakna-in an gina lopite hong pia hi napi-in, ‘Kong zahtak bawl lohna uh bang om ahi hiam?’ na ci uh hi. Ka biakna tau simmawh bawl na hih manun hong zahtak bawl lo na hi uh hi.

Gade chapit la Kopi




Malakhi 1:7
14 Referans Kwoze  

Ahi zongin note in keima biakna tau bangmah a man nei loin genin, tua biakna tau tunga na piak uh ante na thupi ngaihsut loh uh ciangin, keimah a hong simmawh na hi uh hi.


Note in Topa tawh nekkhawmna hai sung pan le dawi tawh nekkhawmna hai sung panin na dawnkhawm thei kei ding uh hi. Topa tawh nekkhawmna an leh dawi tawh nekkhawmna an zong na nekhawm thei kei ding uh hi.


Ganhing a mittawpite tawh kei nong biak uh ciangin, a hoihmahin kingaihsun na hi uh hiam? A khebai, a cina ganhingte tawh nong biak uh ciangin, a hoihmah kisa na hi uh hiam? Tua bang ganhing khat peuhpeuh, note hong ukpa kiangah va puak dih un. Note tungah nuamin hong pakta ding ahi hiam?” a ci hi.


Tua ciangin Siangtho Pen Mun mai-ah sing tawh a kibawl biakna tau bang pian khat a om hi. Pi nga sang a, a dung a vai pi li ahi hi. A khete, a kingaknate, le a zawlte sing tawh a kibawl ahi hi. A mipa in kei kiangah, “Hih pen Topa’ mai-ah a kikoih sabuai ahi hi,” hong ci hi.


Ahih hangin poina khatpeuh, a khebai a mittaw, ahih kei leh poina lian khat peuhpeuh a neih leh, Topa note’ Pasian’ tungah biakna-in na pia kei ding uh hi.


Amaute pen amau’ Pasian a dingin siangtho ding uh a, amau’ Pasian’ min daisak lo ding uh hi. Bang hang hiam cih leh amaute in amau’ Pasian’ anlum ahi, Topa’ tungah meihal biakna pia uh hi. Tua ahih ciangin amaute siangtho ding uh hi.


“Topa’ tungah na paipih an tawh biakna pen silngo tawh kibawl lo ding hi. Bang hang hiam cih leh silngo hitaleh khuaizu hitaleh khat peuhpeuh Topa’ tungah meihal biakna-in na hal kei ding hi.


Tua ciangin siampipa in Topa’ tungah mei tawh kihal an tawh biakna-in biakna tau tungah hal ding hi.


Amah in note’ Pasian’ anlum pia ahih manin note in amah na ap ding uh a, amah pen note a dingin siangtho ding hi. Bang hang hiam cih leh Topa ahi keimah, note hong siangthosakpa, ka siangtho hi.


Ka biakinn sungah amaute lutin, ka biakna tau-ah na semin, biakinn sunga biaknate-ah makai ding uh hi.


Note in, ‘Hihte cimtak khin hang,’ ci-in nong nap nitsan lel uh hi. Keimah biak nadingin a kigu ganhing khatpeuh ahi a, a liam a bai, ahih kei leh a cina peuh nong paipih uh hi. Tua bangte, a sang dingin hong ngaihsun na hi uh hiam?


Swiv nou:

Piblisite


Piblisite