Luka 9:60 - Tedim Bible

⁶⁰ Ahi zongin Jesuh in, “Misi bang ahi mite in misite na vui tahen. Nang ahihleh va pai inla Pasian’ Ukna thu va hilh in,” a ci hi.

Tedim Bible Revision 2017

⁶⁰ Ahi zongin Jesu in, “Misi bang ahi mite in misite na vui tahen. Nang na hih leh va pai inla Pasianʼ Ukna thu va hilh in,” a ci hi.

Luka 9:60 Referans Kwoze

1 TIMOTI MASA 5:6

Ahi zongin a pumpi uh deihna zui-in a gamta meigong numeite pen a pumpi uh a nuntak hangin kha thu-ah a sikhin ahi uh hi.

Mangmuhna 3:1

“Sardis khua pawlpi vantungmi kiangah lai gelh inla, Pasian Kha Siangtho sagih le aksi sagih a nei pa’ thugen in: Note’ gamtatnate ka thei a, note a si hinapi-in a hing min na pua uh hi.

2 TIMOTI NIHNA 4:5

Ahi zongin nang na hih leh thu khempeuhah na lungsim ki-ukin haksatnate na thuak inla, Pasian’ thugen nasep semin, na nasepna-ah maa na tun in.

2 TIMOTI NIHNA 4:2

hunhoih hunsia cih khen tuan loin Pasian’ thu hilh ding na kin ngaihsut nading, lungduaina tawh mite’ lungsim zo-in, mite taii-in, hanthawnin na hilh nadingin thu a hong pia ka hi hi.

Luka 15:32

Tu-in na naupa a sisa hong hingkik a, a mangsa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Efesa 2:5

i mawhna hangin kha thu tawh kisai-in misi ihih laitakin Khrih tawh eite hong nungtasak hi. Pasian’ hehpihna hangin hotkhiatna a ngah thei ihi hi.

Efesa 2:1

A beisa hunah na thuman lohna uh le na mawhna uh hangin kha thu tawh kisai-ah a si na hi uh hi.

1 KORIN MASA 9:16

Lungdamna thu ka hilh hangin kisialh nading thu bangmah om lo hi. Bang hang hiam cih leh tua thu a hilh ding mahin a hong kisawl ahi hi. Tua ahih manin lungdamna thu hilh kei leng kei a dingin a dahhuai mahmah ahi hi.

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 8:22

Jesuh in, “Nangmah in kei hong zui inla, misi bang ahi mite in misite a vui dingun nusiat in,” ci-in a dawng hi.

Luka 15:24

Bang hang hiam cih leh ka tapa a sisa hong nungta a, ka tapa a mangsa hong tungkik hi,’ a ci hi. Tua ahih manin lungdamna pawi bawl a kipan uh hi.