Luka 9:59 - Tedim Bible

⁵⁹ Tua ciangin Jesuh in midang khat kiangah, “Kei hong zui in,” a ci hi. Ahi zongin amah in, “Topa aw, kei hong ciahsak inla, ka pa hong vuisak masa in,” a ci hi.

Tedim Bible Revision 2017

⁵⁹ Tua ciangin Jesu in midang khat kiangah, “Kei hong zui in,” a ci hi. Ahi zongin amah in, “Topa aw, kei hong ciahsak inla, ka pa hong vuisak masa in,” a ci hi.

Luka 9:59 Referans Kwoze

Mattiu 16:24

Tua ciangin Jesuh in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

1 KUMPI MASATE 19:20

Tua ciangin amah in a bawngtalte nusia-in Elijah’ nungah tai a, “Ka nu le ka pa kam vaikhakin hong namsak phot in; tua ciangin nang kong zui ding hi,” a ci hi. Amah in Elisha kiangah, “Paikik in; nang hong khaktan ka hi hiam?” a ci hi.

Haggai 1:2

Vanglian Topa in thu gen a, “Hih mite in, biakinn lamkik ding hun nai lo hi, ci uh hi,” a ci hi.

Mattiu 9:9

Tua lai mun panin Jesuh a paikhiat ciangin siahdongpa Matthai a zumah tu-in a om mu a, “Hong zui in,” a cih leh amah zong dingin a zuipah hi.

Luka 9:60

Ahi zongin Jesuh in, “Misi bang ahi mite in misite na vui tahen. Nang ahihleh va pai inla Pasian’ Ukna thu va hilh in,” a ci hi.