Luka 9:51 - Tedim Bible

⁵¹ Jesuh vantungah a kilaktoh ding hun a nai kuan ciangin Jerusalem khua manawh dingin a ngaihsun hi. Ama mai-ah nungzui pawlkhat mapaisak a,

Tedim Bible Revision 2017

⁵¹ Jesu vantungah a kilaktoh ding hun a nai kuan ciangin Jerusalem khua manawh dingin a ngaihsun hi. Ama mai ah nungzui pawl khat ma paisak a,

Luka 9:51 Referans Kwoze

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Luka 18:31

Tua ciangin Jesuh in nungzui sawm le nihte a tuamin paikhiatpihin amaute kiangah, “Tu-in Jerusalem khua-ah a pai ding ihi a, kamsangte in Mihing Tapa’ thu a gelh khempeuh, tua lai munah a hong tung ding hi.

Luka 13:22

Tua ciangin khuapite le khuaneute nawkin Jesuh paisuak a, Jerusalem khua manawhin a paikawmin thu a hilh hi.

Luka 17:11

Jerusalem khua manawhin Jesuh a pai laitakin Samaria le Galilee gam kikal tawnin a pai hi.

1 PETER MASA 3:22

Tu-in vantungah tua Khrih pai khin a, Pasian’ taklamah omin, vantung mite le ukna aana a neite khempeuh tungah a ukin a om hi.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Hebru 6:20

Tua lai munah eite’ tangin Jesuh na ma tun khinta a, siampi Melkhizedek gui zui-in a om tawntung ding siampi lianpen a suak hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Sawltak 1:9

Hih thu a genkhit ciangin amaute’ muhtangpi mahin vanah Jesuh kilato a, meiipi in liah ahih manin amah mu thei nawn lo uh hi.

Johan 17:11

Tu-in nangma kiangah kei a hong paita ding ka hih manin leitungah ka om nawn kei ding a, ahi zongin amaute a omlai ding uh ahi hi. Tua ahih manin a Siangtho ka Pa aw, nang le kei pumkhat ihih mah bangin amaute zong pumkhat ahih nadingun na vangliatna tawh hoihtakin na kem in.

Johan 16:28

Pa kiang panin hong pai-in leitung a hong tung ka hi a, tu-in leitung nusia leuleu-in Pa kiang a zuankik ding ka hi hi,” a ci hi.

Johan 16:5

Tu-in ahihleh kei hong sawl pa kiangah a ciahkik ding ka hi hi. Tua hinapi-in, ‘Koi-ah pai ding na hi hiam?’ ci-in kuamah in na hong dong kei uh hi.

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 6:62

Mihing Tapa ama omna ngei-ah a ciahto kik a mu hi le-uhcin bang na ci ding uh hiam?

Luka 24:51

Amaute thupha a piak laitakin amaute kiang panin paikhia-in vantungah amah a kilato hi.

Luka 19:28

Jesuh in hih thuteng a genkhit ciangin amah masa-in Jerusalem khua manawhin a paisuak hi.

Luka 19:11

Jesuh pen Jerusalem khua a tung dektak hi a, Pasian’ Ukna hun hong tung kuanta ding hi, ci-in mite in zong ngaihsun uh ahih manin, mite in ama thugen a na ngaih laitakun Jesuh in amaute kiangah thugentehna khat genthuah lai a,

Luka 12:50

Gimna sungah ka kiphum nading khat om a, tua thu a kikhit matengin ka lungsim a nuam thei kei hi.

2 KUMPI NIHNATE 2:11

Tua ciangin amaute a pai kawmkawm a kiho laitakun, mei leeng khat le mei sakolte in amaute nih a khen hi. Tua ciangin vantungah Elijah pingpei-in paito hi.

Filippi 3:14

Khrih Jesuh nasepna tawh vantung nuntakna-ah Pasian’ hong sapna ahi hamphatna ka ngahtheih nadingin, a kung lam zuanin tangtakin ka tai hi.

Luka 9:57

Lampi-ah a pai laitakun mi khat in Jesuh kiangah, “Na paina khempeuhah kong zui ding hi,” a ci hi.