Luka 9:41 - Tedim Bible

⁴¹ Jesuh in, “Note in bangzahin upna nei lo a, bangzahin khial na hi uh hiam? Note bang tanvei hong ompih ding a, bang tanvei hong kikholhpih ding ka hi hiam?” a ci hi. Tua ciangin a mipa kiangah, “Na tapa hong paipih in,” ci-in a dawng hi.

Tedim Bible Revision 2017

⁴¹ Jesu in, “Note in bangzahin upna nei lo a, bangzahin khial na hi uh hiam? Note bang tanvei hong ompih dinga, bang tanvei hong kikholh pih ding ka hi hiam?” a ci hi. Tua ciangin a mipa kiangah, “Na tapa hong paipih in,” ci-in a dawng hi.

Luka 9:41 Referans Kwoze

Thu-hilhkikna 32:5

Ama tungah amaute gamtat sia uh a, amaute’ sitbaanna hangin ama tate hi nawn lo uh hi. Amaute pen a lampial, a lungsim kawi khang mite ahi uh hi.

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Umlah nawn kei inla, um taktak in,” a ci hi.

Johan 14:9

Jesuh in, “Filip aw, hih tanvei omkhawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Marka 9:19

Jesuh in amaute kiangah, “Upna nei lo mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Mattiu 17:17

Jesuh in, “Upna nei lo, a ngaihsun khial mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Hebru 7:25

Tua hi a, mite a dingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a honkhia thei ahi hi.

Hebru 4:11

Tua ahih manin amaute in a uploh manun Pasian’ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thuzak uh amaute a dingin a phattuamna om lo hi.

Hebru 3:19

Tua ahih manin a up lohna uh hangin tawlngakna munah a lutzawh lohna uh i thei hi.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawkkha loin, a migitna, a lungduaina, a hong thuaknate neu ngaihsutkha na hi uh hiam?

Sawltak 13:18

kum sawmli sung gam sungah amaute na ompih kenkon hi.

Sawltak 2:40

Tua ciangin Peter in amaute tungah thu tampi genthuahin hanthawn a, “Hih migilote’ gimthuak ding na tuahkhak loh nadingun nomau mah in na suahtak nading uh lampi zong ciat un,” a ci hi.

Luka 8:25

Tua ciangin Jesuh in a nungzuite kiangah, “Na upna uh koi-ah om khinta ahi hiam?” a ci hi. Ahi zongin amaute lau-in lamdangsa uh a, khatlekhat in, “Hih pa kua ahi hiam? Thu a piak ciangin huihpi le tuihualte nangawn in a thu mang uh hi,” a kici uh hi.

Mattiu 16:4

Tulai hun mite giloin, Pasian tawh kipawl lo uh hi. Lim a nget uh hangin Jonah lim simloh a dang kilaklo ding hi,” ci-in a dawng hi. Tua ahih manin amaute nusia-in a paisan hi.

Mattiu 12:39

Ahi zongin Jesuh in, “Tuhuna mite bangzahin giloin, Pasian’ thu thei lo ahi uh hiam? Na lamdang ka bawl ding na hong ngen tazen uh hi. Jonah thu tawh kisai nalamdang longal adang hong kilaklo ding hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawpkhia in. Na sungah gitlohna lungsim bang tanvei kemcip ding na hi hiam?

2 KUMPI NIHNATE 5:8

Ahih hangin Israel kumpipa in a puante a balkekna thu Pasian’ mipa Elisha in a zak ciangin amah in kumpipa kiangah mi sawlin, “Bang hangin na puante balkek na hi hiam? Israel sungah kamsang khat a omna thu amah in a theih nadingin tu-in kei kiangah amah hong paisak in,” cisak hi.

Gamlak-vakna 14:27

“Hih a gi lo mihonte in bang tanvei kei hong phunsan ding uh ahi hiam? Israel mite in kei hong phunsanna ka za khin hi.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amaute’ lakah ka hihsa limte om napi-in, amaute in bang tanvei hong um lo lailai ding ahi uh hiam?

Paikhiatna 16:28

Topa in Moses kiangah, “Ka thupiakte le ka thute zuih ding bang tanvei nial ding na hi uh hiam?

Paikhiatna 10:3

Tua ahih ciangin Faro’ kiangah Moses le Aaron pai-in ama kiangah, “Hebru mite’ Pasian, Topa in hih bangin ci hi: ‘Ka mai-ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Marka 10:49

Tua ciangin Jesuh khawlin a nungzuite kiangah, “Va sam un,” a ci hi. Amaute in mittaw pa samin ama kiangah, “Na lung nuamsak in; ding in; amah in nang a hong sam hi,” a ci uh hi.

Marka 10:14

Jesuh in tua thu a phawk ciangin a heh suak a, a nungzuite kiangah, “Naupangte kham kei unla, ka kiangah hong paisak un. Bang hang hiam cih leh Pasian’ Ukna sungah hih bang mite a om ahi hi.

Mattiu 23:36

Note kiangah kong genin-ah: Tuhuna mite tungah hih gimna hong tung takpi ding hi.

Mattiu 12:45

Tua ciangin va paikik a, amah sangin a siahuaizaw dawi sagih hong tunpihin tua mipa sungah a teng uh hi. Tua ahih manin tua mipa pianzia pen a masa huna sangin a siazaw hi. Tua ahih ciangin tuhuna migilote zong hih mipa’ pianzia mah tawh kibang ding uh hi,” a ci hi.

Mattiu 11:28

“Na semin vangik pua-in a gim mite khempeuh aw, ka kiangah hong pai ta un. Note tungah lungsim tawldamna ka hong pia ding hi.

Luka 9:40

Na nungzuite in a dawi hong hawlkhiatsak nading uh ka thum a, ahi zongin hong hawlkhiatsak thei lo uh hi,” a ci hi.

Luka 9:42

A naupang hong pai laitakin dawi in leilakah tuksakin a kongkawcipsak hi. Ahi zongin Jesuh in a dawi taii a, naupang damsakin, a pa kiangah a piakik hi.