Luka 9:4 - Tedim Bible

⁴ Khua khatpeuhah na lut uh ciangin tua khua panin na paikhiat matengun a inn-ah hong tungsakte’ inn mahah om paisuak un.

Tedim Bible Revision 2017

⁴ Khua khatpeuh ah na lut uh ciangin tua khua panin na paikhiat matengun a inn ah hong tungsakteʼ inn mahah om paisuak un.

Luka 9:4 Referans Kwoze

Mattiu 10:11

“Khuapi ahi a, khuaneu ahi zongin khua khat peuhpeuh na tun uh ciangin tua khua sungah note zin hong tungsak nuam kua om ahi hiam, ci-in zong unla, na muh uh ciangin tuate’ inn-ah tungin, tua khua na nusiat mateng uh tua lai mahah omsuak pah un.

Marka 6:10

A zin dingin a hong deih inn khat peuhpeuhah tung unla, tua khua panin na paikhiat mateng uh tua inn mahah om paisuak un.

Sawltak 16:15

Amah le a innsunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak-uhleh hong pai unla, ka inn-ah hong tung un,” ci-in hong samin a hong zol hi.

Luka 9:3

amaute kiangah, “Tu-a na khualzinna uhah bangmah keng kei un. Ciangkhut ahi a, ip ahi a, an ahi a, sum ahi zongin keng kei unla, puan-ak zong a valin kengthuah kei un.

Luka 9:5

A inn uhah a hong tunsak nop lohna khua peuhpeuh panin na paikhiat uh ciangin amaute hilhkholhna-in na khe uha leivui bangte sinsan un,” ci-in a vaikhak hi.