Luka 9:32 - Tedim Bible

³² Peter le a lawm tegel lusu-in ihmu uh a, ahi zongin amaute hong khanglo-in, Jesuh’ minthanna vang le amah tawh a dingkhawm mi nihte a mu uh hi.

Tedim Bible Revision 2017

³² Peter le a lawm tegel lusu-in ihmu uh a, ahi zongin amaute hong khanglo-in, Jesuʼ minthanna vang le amah tawh a ding khawm mi nihte a mu uh hi.

Luka 9:32 Referans Kwoze

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Daniel 8:18

Amah in thu a hong gen laitakin sibupin leilakah ka tuk hi. Ahih hangin amah in hong domto-in a hong dingsak hi.

Daniel 10:9

Tua mipa’ kampau ka zak ciangin ka khuplamin leilakah tuksukin khua ka phawk nawn kei hi.

2 PETER NIHNA 1:16

I Topa Jesuh Khrih a vangliatna le a hong paikik nading thute note kiangah ka hong gen uh ciangin mihingte’ phuahtawm tuanthute siksanin a hong gen hi loin, ka mit mahmah uh tawh ka muh uh a vangliatnate a hong gen ka hi uh hi.

Johan 17:24

Pa aw, leitung a pianma pekin kei na hong itna hangin na hong piak pianzia a mu dingin keimah na hong piak mite zong ka omna-ah a hong pai theih nading ka deihsak hi.

Isaiah 60:19

Sun hunin ni pen nangma khuavak hi lo ding a, zan hunin kha pen na khuavak hi nawn lo ding hi. Topa pen a tawntung nangma khuavak hi ding a, na Pasian pen na minthanna hi ding hi.

1 JOHAN MASA 3:2

Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

Marka 14:40

Hong paikik ciangin a nungzuite na ihmu leuleu uh hi. A ihmut uh suak mahmah hi. Jesuh kiangah a gen ding uh bangmah thei lo uh hi.