Luka 9:31 - Tedim Bible

³¹ vantung minthanna vang lim nei uh a, Jerusalem khua-ah pai-in sihna tawh Pasian’ deihna a tunsak nading thu a kikumkum uh ahi hi.

Tedim Bible Revision 2017

³¹ vantung minthanna vang lim nei uh a, Jerusalem khua ah pai-in sihna tawh Pasianʼ deihna a tunsak nading thu a kikumkum uh ahi hi.

Luka 9:31 Referans Kwoze

Filippi 3:21

Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

2 PETER NIHNA 1:15

Tua ahih manin ka sih khit ciangin hih thute na phawkkik kik theih nadingun ka hihtheih zahin ka hanciam ding hi.

1 PETER MASA 5:10

Tawlkhat na thuak khit uh ciangin, Khrih tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl ding a, kipna, thahatna, bulkip kician hong pia ding hi.

Mangmuhna 7:14

“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.

Kolose 3:4

Note’ nuntakna taktak Khrih ahih manin amah hong kilat ciangin note zong amah tawh hong kilang khawmin amah tawh na minthang khawm ding uh hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topa’ minthanna vangtaang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawlpha a, minthanna khat panin minthanna sangzaw-ah hong omsak hi.

Johan 1:29

A zing ciangin Johan in ama kiangah Jesuh hong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Luka 9:22

Tua ciangin Jesuh in a nungzuite kiangah, “Mihing Tapa in tampi tak thuak ding a, upate, siampi liante, le Thukham hilh siate in amah nial ding uh hi. Amah kithat ding a, a ni thum ni-in kihing kiksak ding hi,” a ci hi.

Luka 9:30

Thakhat thu-in mihing nih tawh a kiho-in hong omvat hi. Tua mi nihte pen Moses le Elijah hi a,

Hebru 11:22

Josef a sih ding ciangin Egypt gam panin Israel mite a paikhiat nading thu le ama luanghawm a bawl nading zia a vaikhaknate zong a upna hang mah ahi hi.