Luka 9:18 - Tedim Bible

¹⁸ Khatvei, Jesuh guak thungenin a om laitakin a nungzuite zong ama kiangah om uh hi. Jesuh in a nungzuite kiangah, “Mite in kei kua hi, hong ci uh ahi hiam?” ci-in a dong hi.

Tedim Bible Revision 2017

¹⁸ Khat vei, Jesu guak thungenin a om laitakin a nungzuite zong ama kiangah om uh hi. Jesu in a nungzuite kiangah, “Mite in kei kua hi, hong ci uh ahi hiam?” ci-in a dong hi.

Luka 9:18 Referans Kwoze

Luka 11:1

Khat vei, Jesuh in mun khatah thu a ngen hi. A thunget a mankhit ciangin a nungzuite khat in, “Topa aw, Johan in a nungzuite a hilh bangin kote zong thungetzia hong hilh in,” a ci hi.

Mattiu 26:36

Tua ciangin Jesuh a nungzuite tawh Gethsemane a kici munah pai-in amaute kiangah, “Hua lamah pai-in thu ka va nget kal sungteng hih lai-ah na om un,” a ci hi.

Mattiu 14:23

Mihonte a ciah khit ciangin thungen dingin mual tunglamah a paito hi. Khuamial ciangin Jesuh guakbek gamlakah om a,

Luka 3:21

Mi khempeuh a kituiphum khit uh ciangin Jesuh zong a kituiphum hi. Jesuh in thu a nget laitakin vantung kihong a,

Luka 6:12

Ni khat, thungen dingin mualtungah Jesuh pai a, zan tawntung Pasian kiangah thu ngenin a om hi.

Luka 9:19

Amaute in, “Pawlkhat in, Tuiphumpa Johan hi, hong ci uh hi. Pawlkhat in Elijah hi, hong ci uh a, pawlkhat in, tanglai kamsangte khat peuhpeuh hong hingkik hi ding hi, hong ci uh hi,” ci-in a dawng uh hi.

Luka 9:28

Hih thu a genkhit nipikal khat bang khit ciangin Jesuh in Peter, Johan, le James te sam a, mualtungah thungen dingin a paipihto hi.

Luka 9:29

Jesuh in thu a nget laitakin a mel hong kikheel a, a puante zong pakin tee mahmah hi.