Luka 8:8 - Tedim Bible

⁸ Pawlkhatte, leihoihna lak tu-in khang a, a zah zakhat ciang dong a piang hi,” a ci hi. Tua ciangin Jesuh nakpitakin kiko a, “Zak nading bil a neite in hih thu za ta un,” ci-in a thugen a khum hi.

Tedim Bible Revision 2017

⁸ Pawl khatte, lei hoihna lak tu-in khang a, a zah za khat ciang dong a piang hi,” a ci hi. Tua ciangin Jesu nakpi takin kiko a, “Zak nading bil a neite in hih thu za ta un,” ci-in a thugen a khum hi.

Luka 8:8 Referans Kwoze

Mattiu 11:15

Tua ahih manin bil neite in na za ta un.

Mangmuhna 2:11

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite, nihvei sihna in gimsakkha nawn lo ding hi.

Mangmuhna 2:7

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mite tungah, Pasian’ Huan sunga om nuntakna singgahte a nektheih nadingun thu ka pia ding hi.

Marka 4:20

Ahi zongin midangte ahihleh khaici pawlkhat a tukna mun leihoih tawh kibang uh hi. Amaute in Pasian’ thu za-in sang uh a, pawlkhatte a dingin a zah sawmthum, pawlkhatte a dingin a zah sawmguk, pawlkhatte a dingin a zah za khatin man a nei hi,” a ci hi.

Marka 4:8

Adangte ahihleh leihoihna mun tu ahih manin hong po-in khang a, a zah sawmthum, a zah sawmguk, a zah zakhat dongin an hong piang hi,” a ci hi.

Mattiu 13:23

Lei hoihna munah a tu khaicite pen Pasian’ thu a zak ciangin a tel mite a cihnopna ahi hi. Tua bang mite a dingin Pasian’ thu in man nei a, pawlkhatte a dingin a zah zakhat, pawlkhatte a dingin a zah sawmguk, pawlkhatte a dingin a zah sawmthumin Pasian’ thu in man a nei hi,” a ci hi.

Paunak 20:12

Topa in khua muhna ding mit, khua zakna ding bil hong guan hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Jeremiah 13:15

Ngai-in na bil uh ngat un; kisathei kei un. Bang hang hiam cih leh Topa in thu a genzo hi.

Paunak 8:1

Ngai un! Pilna in hong sam a, thungaihsut theihna hong kiko hi lo ahi hiam?

Piancilna 26:12

Isaac in tua leitangah khai tuh a, tua kum mahin a zah zakhat la hi. Topa in amah thupha pia a,

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

Efesa 2:10

Eite a hong bawlpa pen Pasian hi a, Jesuh Khrih tawh i kipawl ciangin i nuntakna-ah gamtat hoih a nei dingin a hong bawl ihi hi. Hih pen eite’ omzia dingin a na ngaihsut kholhsa ahi hi.

Jeremiah 25:4

Topa in ama nasem ahi kamsangte khempeuh hong sawl tawntung hinapi-in note in ngai loin na bil uh na ngat kei uh hi.

Marka 4:23

Zak nading bil a neite in hih thu za ta un,” a ci hi.

Marka 7:16

(Zak nading bil a neite in hih thu za ta un,” a ci hi.)

Luka 8:7

Pawlkhatte, lingbulsum omna leilak tu a, lingte a khan ciangin a deplum hi.

Luka 14:35

Lei hoihsak nadingin kizang thei lo a, eklei dingin zong kibawl thei lo ahih manin paihmawk a kul hi. Tua ahih manin zak nading bil a neite in za ta un,” a ci hi.

Mangmuhna 3:6

Tua ahih manin zak nading bil a neite in Kha Siangtho in pawlpite kiangah a gen thute na za un.

Mangmuhna 3:13

Tua ahih manin zak nading bil a neite in Kha Siangtho in pawlpite kiangah a gen thute na za un.

Mangmuhna 13:9

“Salin a pai dingin a kisehsa mite sal mahin pai ding a, namsau-in thah dingin a kisehsate namsau mah tawh kithat ding hi. Tua ahih manin Pasian’ mite in upna le thuakzawhna kisam hi,” a kicihna thu, zak nading bil a neite in za ta uh hen.