Luka 8:50 - Tedim Bible

⁵⁰ Ahi zongin Jesuh in hih thu a zak ciangin, kikhopna inn ukpa kiangah, “Lunghimawh kei in; upna nei peuh lecin na tanu a hingkik ding hi,” a ci hi.

Tedim Bible Revision 2017

⁵⁰ Ahi zongin Jesu in hih thu a zak ciangin, kikhopna inn ukpa kiangah, “Lunghimawh kei in; upna nei peuh lecin na tanu a hingkik ding hi,” a ci hi.

Luka 8:50 Referans Kwoze

Johan 11:40

Jesuh in, “Na up nakleh Pasian’ vangliatna na mu ding hi, ci-in hong genkhin hi lo ka hi hiam?” a ci hi.

Johan 11:25

Tua ciangin Jesuh in, “Keimah in a sisa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.

Marka 5:36

Ahi zongin Jesuh in amau thu kigen don loin kikhopna inn ukpa kiangah, “Lunghimawh kei in; upna nei peuh in,” a ci hi.

Luka 8:48

Tua ciangin Jesuh in numei kiangah, “Ka tanu aw, na upna in nang hong damsakzo hi; lungnuam takin na ciah in,” a ci hi.

ROM (Romans) 4:17

Lai Siangtho sungah zong, “Minam tampite’ pupi dingin ka hong bawl khin hi,” ci-in a kigelh hi. Tua hi a, bangmah a om nai lopi a thupiakna tawh a omsak thei, a site a hingsak thei, Abraham in a up Pasian’ muhna-ah hih thuciamna kipin a kizang ahi hi.

Marka 9:23

Jesuh in, “Bang hangin na hihtheih leh, ci na hi hiam? A umte a dingin na khempeuh hithei hi lo ahi hiam?” a ci hi.

Isaiah 50:10

Topa kihta a, a nasempa’ thu a mangte khempeuh khuamial sungah na pai hangun Topa muang unla, Pasian suanin nei un.

ROM (Romans) 4:20

Amah in Pasian’ thuciamna muanlah dingin ngaihsun lo a, a upna khahsuah het lo hi. A upna hangin thakhauh semsemin Pasian a phat hi.

Luka 8:51

Tua inn-ah Jesuh a tun ciangin Peter, Johan, le James le numeino’ nu le pa simloh kuamah dang, inn sungah zuisak lo hi.