Luka 8:47 - Tedim Bible

⁴⁷ Numei in amah a kiphawkna thu a theih ciangin a lingsa-in hong pai-in Jesuh mai-ah hong bok a, Jesuh a lawnna thu le amah a dampahna thuteng, tua lai-a om mi khempeuh’ zakin Jesuh kiangah a pulak hi.

Tedim Bible Revision 2017

⁴⁷ Numei in amah a kiphawkna thu a theih ciangin a liing sa-in hong pai-in Jesu mai ah hong bok a, Jesu a lawnna thu le amah a dampahna thu teng, tua lai-a om mi khempeuhʼ zakin Jesu kiangah a pulak hi.

Luka 8:47 Referans Kwoze

Marka 5:33

Tua numei in ama tunga thupiang thei ahih manin laukawm lingkawmin hong pai-in a khephungah hong bok a, a thupiang khempeuh ahi bangbangin a hong gen hi.

2 KORIN NIHNA 7:15

Note in ama thu mangin, launa le linna tawh amah na zindona uh a ngaihsut ciangin Titus in note hong itna khang semsem hi.

Hebru 12:28

Tua ahih manin a kilingsak zo lo Pasian’ gam i ngah manin lungdamin, zahtakna le lamdangsakna tawh Pasian’ lungkimna bangin amah bia ni.

1 KORIN MASA 2:3

Tua ahih manin note kiangah kong pai lai-in thaneemin, launa tawh ka ling a,

Late 2:11

Launa tawh Topa’ na sem unla, linna tawh a khe nam un; tua hikeileh amah sinso-in lamkalah na siamang ding uh hi; bang hang hiam cih leh amah heh pakpak hi. Amah a bel khempeuh mi nuamsate ahi hi.

Sawltak 16:29

Thongcing pa in zong meivak a la dingin mi khat sawl a, thong sungah tai-in laukawm lingkawmin Paul le Silas khe kiang va kidenna-in a va boksuk hi.

1 SAMUEL MASA 16:4

Topa’ thupiak bangin Samuel gamta-in Bethlehem-ah a pai hi. Tua khuapi upate a lingsa-in amah a dawn dingin hong pai uh a, “Thuhoih a hong pai na hi hiam?” a ci uh hi.

Habakkuk 3:16

Hih thute khempeuh ka zak ciangin ka pumlin’ a, lau lua-in ka muk ling sapsap hi. Ka guh ka taang hong zen a, guh nei lo bangin ka pukcipsuk hi. Ko hong simgawp mite Pasian in gim a piak ding hun daitakin ka ngak khikhe ding hi.

Isaiah 66:2

Hih nate khempeuh keima bawlsa ahih manin hih nate khempeuh keima-a’ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu-ah lau-in a ling kelkel pa, keima deih mipa ahi hi.

Late 38:9

Topa aw, ka deihna khempeuh na thei a, ka khuisatnate na za hi.

Filippi 2:12

Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Mattiu 28:8

Tua ahih manin numeite zong laukawm, nuamkawmin nungzuite kiangah hih thu a ko dingin a taipah uh hi.

Hosea 13:1

Efraim-te beh in thu a gen ciangin a dangte lau uh a, Israel minam beh dangte in Efraim-te beh tung et uh hi. Ahi zongin Baal milim biakna hangin amaute khial uh hi; tua thu hangin si ding uh hi.

Hosea 5:3

Israel-te’ gamtatna khempeuh ka thei khin a, kei tungah bangmah hong im thei lo ding uh hi. Kei tungah hong citak lo uh a, amaute, misia a suak khinta uh hi, a ci hi.

Late 66:16

Pasian a zahtakte khempeuh aw, hong pai unla, hong za un. Kei-a’ dinga ama bawlsate ka hong gen ding hi.

Luka 8:46

Ahi zongin Jesuh in, “Ka sung panin vangliatna a paikhiat lamtak phawk ka hih manin mi khat in hong lawng hi,” a ci hi.

Luka 8:48

Tua ciangin Jesuh in numei kiangah, “Ka tanu aw, na upna in nang hong damsakzo hi; lungnuam takin na ciah in,” a ci hi.