Luka 8:44 - Tedim Bible

⁴⁴ mihonte lak Jesuh nungah hong pai-in Jesuh’ puanmongteep lawngsim a, thakhatin a siluang a kangpah hi.

Tedim Bible Revision 2017

⁴⁴ mihonte lak Jesu nungah hong pai-in Jesuʼ puan mongteep lawngsim a, thakhatin a siluang a kang pah hi.

Luka 8:44 Referans Kwoze

Thu-hilhkikna 22:12

“Na puanza uh kiu lite tungah puanmongteep na bawl ding uh hi.

Sawltak 19:12

Ama zat mainul ahi a, a puante ahi zongin cinate kiangah a kipaipih ciangin a natnate uh damin, a sunga om dawite zong a taikhia uh hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Johan 5:13

Ahi zongin tua munah mi tampi om a, Jesuh paikhia ziau ahih manin cina damkik pa in amah a damsak kua ahi hiam, cih a thei kei hi.

Luka 13:13

Tua ciangin numei tungah a khut nga a, thakhat thu-in amah dingtang thei-in Pasian a phatpah hi.

Luka 7:38

Jesuh’ nungah tu-in kap a, a khitui tawh Jesuh’ khete kawtsakin a sam tawh nulsak a, a khete namin a sathau puak a nuh hi.

Marka 6:56

Khuapi, khuaneu, le khuakehte a a paina khempeuhah, mite in mihon kikhopna munah cinate hong pua uh a, a puanmongteep beek a lawnsak nading deihin Jesuh kiangah a thum uh hi. A puanmongteep a lawngkha mi khempeuh cidam pahpah uh hi.

Mattiu 20:34

Jesuh in amaute hehpihhuai sa ahih manin a mit uh lawnsak a, thakhat thu-in a mit un khua a mukik pah hi. Tua ciangin amau tegel in zong Jesuh nung a zuipah uh hi.

Mattiu 8:3

Jesuh in zong a khut zanin tua mipa lawng a, “Ka hong damsaknuam hi; dam ta in,” a cih khit phetin a phakna a dampah hi.

Paikhiatna 15:26

“Note in Topa na Pasian uh thu limtakin na ngaih uh a, ama mai-ah a man nate hihin, ama thupiakte don a, ama ngeina kipte khempeuh na zuih uhleh, Egypt mite’ tungah ka tunsak natnate khat beek note’ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Sawltak 5:15

Hih bangin sawltakte’ nasepna hangin kongzingah cinate hong kipua a, Peter hong pai ciangin a liim in cinate a liahkhak theih nading deihin a lupna le a lupna pheekte uh tawh lam gei-ah a koih uh hi.

Mattiu 9:20

Tua laitakin kum sawm le nih tawntung a si a luang numei khat Jesuh’ nungah hong pai-in a puan mongteep a lawngsim hi.

Luka 8:43

Tua laitakin kum sawm le nih tawntung siluang natna vei-in, a neih khempeuh siavuante cialna-in a zat hangin kuamah in a damsak zawh loh numei khat,

Luka 8:45

Tua ciangin Jesuh in, “Kua in hong lawng na hi uh hiam?” a ci hi. Kuamah in, “Hong lawng ing,” a cih loh ciangin Peter in, “Topa aw, mi khempeuh in nang hong umcihin hong nehcip uh hi,” a ci hi.