Luka 8:43 - Tedim Bible

⁴³ Tua laitakin kum sawm le nih tawntung siluang natna vei-in, a neih khempeuh siavuante cialna-in a zat hangin kuamah in a damsak zawh loh numei khat,

Tedim Bible Revision 2017

⁴³ Tua laitakin kum sawm le kum nih tawntung siluang natna vei-in, a neih khempeuh siavuante cialna-in a zat hangin kuamah in a damsak zawh loh numei khat,

Luka 8:43 Referans Kwoze

Luka 13:16

Tua mah bangin Satan in Abraham’ suante khat ahi hih numei pen kum sawm le giat sung hencip hi. Hih a kihencipna panin Sabbath ni-in hih numei khahkhiat ding kilawm hi lo ahi hiam?” a ci hi.

Johan 9:1

Tua bangin Jesuh a paikhiat ciangin a pianpih mittaw mi khat a mu hi.

Luka 13:11

Dawivei numei khat tua lai-ah om a, tua dawi in kum sawm le giat sung tua numei cina sakin a nung kulsak a, dingtang thei hetloin a om hi.

Luka 8:27

Gunkuang tung panin leilakah Jesuh hong paisuk laitakin tua khuasunga om dawivei mi khat in a na dawn hi. Tua dawivei pa pen sauveipi sung puan silhloin omkhin a, inn-ah zong om loin han lak khawngah om tawntung hi.

Isaiah 2:22

Mihingte muanin nei nawn kei un. Amaute leltak banga simtham ding ahi hiam?

2 KHANG TANGTHU NIHNATE 16:12

Ama uk a kum sawmthum le kuana kumin Asa in a khe-ah natna nei a, a natna nasia mahmah hi. Ahi zongin ama nat hun nangawnah amah in Topa zong lo a, zato siamte’ huhna a zong hi.

Sawltak 4:22

Bang hang hiam cih leh hih nalamdang a kibawlna mipa pen a khan kum sawmli val a pha khinsa mi khat ahi hi.

Sawltak 3:2

Kongpi Hoih a kici gei-ah a suahtung a kipan a khebai mi khat na om hi. Biakinn-ah a pai mite tung panin sum a ngen dingin nisimin hih kongpi gei-ah amah hong kikoih zel hi.

Johan 9:21

Ahi zongin bangci-in khua mukik thei hiam cihna le kua in khua mu theisakkik hiam cih thu ka thei kei uh hi. Amah naupang hi nawn lo ahih manin amahmah dong le-uhcin hong gen thei ding hi,” ci-in a dawng uh hi.

Marka 9:18

Dawi in amah a mat simin leilak denna a, a cilphuan bua-in a ha gawi-in kongkawcip hi. Na nungzuite in dawi hong hawlkhiatsak nading ka ngen a, ahi zongin hawlkhia thei lo uh hi,” a ci hi.

Late 108:12

Ka galdona uhah kote hong huh in. Bang hang hiam cih leh mihing’ huhna a mawkna hi.

JOB (Job) 13:4

Note in na haina uh zuauthu tawh na melh uh a, kuamah a damsak zo lo zato siam-a kinei mite tawh na kibang uh hi.

Marka 12:44

Bang hang hiam cih leh adangte in a neihval a lamval sung panun a khia uh ahi hi; ahi zongin amah zawng mahmah napi-in ama kivak nading nangawn siit loin a neih khempeuh a khiakhin ahi hi,” a ci hi.

Luka 8:42

Bang hang hiam cih leh kum sawm le nih a pha tanu khat a neihsun pen a ci na-in a si dektak hi. Jesuh zong tua inn zuan dingin a pai laitakin mihonpite in zui-in a nehcip uh hi.

Luka 8:44

mihonte lak Jesuh nungah hong pai-in Jesuh’ puanmongteep lawngsim a, thakhatin a siluang a kangpah hi.