Luka 8:42 - Tedim Bible

⁴² Bang hang hiam cih leh kum sawm le nih a pha tanu khat a neihsun pen a ci na-in a si dektak hi. Jesuh zong tua inn zuan dingin a pai laitakin mihonpite in zui-in a nehcip uh hi.

Tedim Bible Revision 2017

⁴² Bang hang hiam cih leh kum sawm le kum nih a pha tanu khat a neihsun pen a ci na-in a si dektak hi. Jesu zong tua inn zuan dingin a pai laitakin mihonpite in zui-in a nehcip uh hi.

Luka 8:42 Referans Kwoze

Luka 8:45

Tua ciangin Jesuh in, “Kua in hong lawng na hi uh hiam?” a ci hi. Kuamah in, “Hong lawng ing,” a cih loh ciangin Peter in, “Topa aw, mi khempeuh in nang hong umcihin hong nehcip uh hi,” a ci hi.

Luka 7:12

Tua khua kulhkongpi a tun laitakun misi vui-a hong pai mihon tawh a kituak uh hi. A misi pen meigong khat’ tapa khat neihsun hi a, tua khuasung mihon tampite in tua si vuina-ah meigongnu hong zui uh hi.

ROM (Romans) 5:12

Mi khat hangin leitungah mawhna hong om a, tua mawhna hangin sihna hong piang hi. Mi khempeuh mawh uh ahih manin tu-a bangzia-in mi khempeuh tungah sihna hong tung hi.

Marka 5:24

Jesuh zong, tua mipa tawh a paikhia khawm hi. Mi tampi tak in zong zui uh ahih manin Jesuh a nehcip uh hi.

Ezekiel 24:25

Tua ciangin Topa in kei kiangah, “Mihing ahi Ezekiel aw, amaute in a kisaktheihpih, a lungdampih, paipai-in a etet nop uh biakinnpi ka lakhia ding a, a tanu a tapate uh zong ka laksak ding hi.

Ezekiel 24:16

“Mihing ahi Ezekiel aw, na it penpen mi khat thakhatin a hong laksak ding ka hi hi. Na thum na tau kei ding a, zong kap loin, na khitui zong na luangsak kei ding hi.

Thuhilh-sia 6:12

Niliim bangin a pai hanhan, a mawknapi hih nuntak tom sungah mihing a’ ding a hoihpen kua in thei ding ahi hiam? Ama sih khit ciangin leitungah bang piang ding cih kua in gen thei ahi hiam?

JOB (Job) 4:20

zing kal nitak kalin, a kisusia thei sungah a omte, bangzah ta-in kuama don lohin si pakin,

Zekhariah 12:10

“David’ suanlekhakte le Jerusalem khuamite’ tungah hehpihna lungsim le thungetna lungsim ka guan ding hi. Amaute in a sutlup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpitakin kapin thum ding uh hi.

Luka 8:41

Tua laitakin kikhopna inn ukpi Jairas a kici mi khat hong pai-in Jesuh’ khe phungah hong khukdin a, ama inn-ah a pai nadingin a thum hi.

Luka 8:43

Tua laitakin kum sawm le nih tawntung siluang natna vei-in, a neih khempeuh siavuante cialna-in a zat hangin kuamah in a damsak zawh loh numei khat,