Luka 8:35 - Tedim Bible

³⁵ Hih thupiang a en dingin mite hong pai uh a, Jesuh kiang a tun uh ciangin dawi a paikhiatna mipa Jesuh kiangah omin, puan silhin, a pilkikna thu a muh uh ciangin a vekpi-un lamdangsa-in a lau uh hi.

Tedim Bible Revision 2017

³⁵ Hih thupiang a en dingin mite hong pai uh a, Jesu kiang a tun uh ciangin dawi a pai khiatna mipa Jesu kiangah omin, puan silhin, a pilkikna thu a muh uh ciangin a vekpi-un lamdang sa-in a lau uh hi.

Luka 8:35 Referans Kwoze

Luka 10:39

Martha in Mary kici nau numei khat nei a, Topa’ thugente ngai-in Mary a om hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.

Sawltak 22:3

“Kei pen Silisia gam Tarsas khua-a suak Jew mi ka hi a, ahi zongin hih lai Jerusalem khua-ah Gamaliel’ khut sungah sangnaupang hi-in a khangto ka hi hi. I pu i pate’ Thukham limtakin hong kihilh a, tu-a note zah mahin Pasian tungah a kipia mi khat ka hi hi.

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

Luka 8:27

Gunkuang tung panin leilakah Jesuh hong paisuk laitakin tua khuasunga om dawivei mi khat in a na dawn hi. Tua dawivei pa pen sauveipi sung puan silhloin omkhin a, inn-ah zong om loin han lak khawngah om tawntung hi.

Luka 15:17

A tawpna-ah thu ngaihsun thei a, ‘Ka pa’ nasemte khempeuh in gaih zawh lohin an khamval nei uh a, tu-in hih lai-ah gilkialin a puksi ding ka hita hi.

Luka 2:46

A ciahzawh uh a ni thum ni ciangin biakinn sungah amah mu uh a, siate lakah tu-in a thugen uh ngai-in, thu zong dong zelin a om a mu uh hi.

Marka 5:15

Jesuh kiang a tun uh ciangin dawi tampi a vei ngei mipa zong a mu uh hi. Tua mipa hoihtakin om a, a lungsim pilin, puan silhin a om a muh uh ciangin lamdangsa-in lau mahmah uh hi.

Isaiah 53:12

Tua ahih ciangin amah pen miliante tawh nate ka hawmsak ding a, amah in mihatte tawh nate a hawm ding hi. Bang hang hiam cih leh amah in sihna dongin a nuntakna piakhia a, khialhna a nei mite tawh a kisim khawm hi. Ahih hangin amah in mi tampi’ mawhna pua a, khialhna a neite a dingin a thumsak hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Luka 8:34

Vokcingte in hih thupiang a muh uh ciangin amaute tai-in khuasung le gam sung tengah a zasak uh hi.