Luka 8:33 - Tedim Bible

³³ Tua ahih manin dawite zong mipa sung panin paikhia-in vokte sungah lut uh a, vokte zong tui gei keen tung khawngah tuaksuk gawpin a vekpi-in tui a kia hi.

Tedim Bible Revision 2017

³³ Tua ahih manin dawite zong mipa sung panin pai khia-in vokte sungah lut uh a, vokte zong tui gei keen tung khawngah tuak suk gawpin a vekpi-in tui a kia hi.

Luka 8:33 Referans Kwoze

Mangmuhna 9:11

Amaute in tua kuahawm thukpi a uk vantungmi pen kumpi-in nei uh a, tua vantungmi a min pen Hebru pau-in Abaddon hi a, Grik pau-in Apollion hi a, “A Susia pa,” a cihnopna ahi hi.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Mattiu 8:32

Jesuh in, “Pai un,” ci ahih manin amaute zong paikhia-in vokte sungah a lut uh hi. Tua vok honte, keen luvum panin tuaksuk gawpin tuili sung tu uh ahih manin a vekpi-in tuikia-in a si khin hi.

Luka 5:1

Khatvei, Gennesaret Tuili gei-ah Jesuh dingin a om laitakin, mite in Pasian’ thu zanuamin Jesuh hong nehcip uh hi.

Luka 8:32

Tua laitakin tua kiim mualpang to-ah vok honpi khat gamta-in a om hi. Tua vokte sungah a luttheih nadingun dawite in Jesuh kiangah thum uh a, Jesuh in zong amau’ ngetna bangin a pia hi.

Luka 8:34

Vokcingte in hih thupiang a muh uh ciangin amaute tai-in khuasung le gam sung tengah a zasak uh hi.