Luka 8:22 - Tedim Bible

²² Nikhat, Jesuh a nungzuite tawh gunkuang tungah tuang a, amaute kiangah, “Tuili galkhatah pai ni,” ci-in a pai uh hi.

Tedim Bible Revision 2017

²² Ni khat, Jesu a nungzuite tawh gunkuang tungah tuang a, amaute kiangah, “Tuili gal khat ah pai ni,” ci-in a pai uh hi.

Luka 8:22 Referans Kwoze

Marka 6:45

Tua khit phetin Jesuh in a nungzuite gunkuangah tuangsakin, a galkhat a om Bethsaida khua-ah mapaisak a, amah in mihonte a khua ciatah a ciah dingin a sawl hi.

Luka 8:23

Tua bangin a pai laitakun Jesuh a ihmu hi. Tui tungah nakpitakin huihpi hong nungin gunkuang sungah tui dim dingin hong kipan a, lauhuai mahmah hi.

Luka 5:1

Khatvei, Gennesaret Tuili gei-ah Jesuh dingin a om laitakin, mite in Pasian’ thu zanuamin Jesuh hong nehcip uh hi.

Marka 8:13

Tua ciangin amaute nusia-in gunkuang sungah tuangin a galkhat lamah a pai hi.

Mattiu 14:22

Tua ciangin Jesuh in mihonpite a ciahsak laitakin a nungzuite gunkuangah tuangsak a, tuili gal khatah a pai dingin ama mai-ah a ma paisak hi.

Johan 6:1

Tua khit ciangin Tiberias zong a kici Galilee Tuili galkhat lamah Jesuh a pai hi.

Marka 5:21

Jesuh, gunkuang tuangin a galkah khit ciangin, tuili gei ama kiangah mi tampi tak hong kikhawm leuleu uh hi.

Mattiu 8:18

Jesuh in ama kiangah mi tampi tak a hong omlam a theih ciangin a nungzuite kiangah, “Tuili galkhatah pai ni,” ci-in a gen hi.

Luka 8:33

Tua ahih manin dawite zong mipa sung panin paikhia-in vokte sungah lut uh a, vokte zong tui gei keen tung khawngah tuaksuk gawpin a vekpi-in tui a kia hi.

Sawltak 27:2

Adramittium khua teembaw khawlna panin Asia gam lam manawh dingin a kithawi teembaw-ah tuangin ka ding khia uh hi. Masedonia gam Thesalonika khuami Aristarkhas in zong kote hong zui hi.