Luka 8:15 - Tedim Bible

¹⁵ Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Tedim Bible Revision 2017

¹⁵ Leihoih a tukna munte pen Pasianʼ thu a zak ciangin lungsim tak tawh a thu mangin kip tawntung uh ahih manin amau adingin man a neite a cihnopna ahi hi,” a ci hi.

Luka 8:15 Referans Kwoze

Hebru 10:36

Pasian’ deihna bangin gamta-in, ama thuciam na ngahtheih nadingun lungduai-in thuakzawhna na kisam uh hi.

Luka 6:45

Mihoih pa in a lungsim sunga thuhoih omteng hong suahkhia a, migilo pa in a lungsim sunga a gitlohna teng hong suahkhia hi. Bang hang hiam cih leh mite pen amau’ lungsim sunga a om bangbang a hong paukhia uh ahi hi.

1 JOHAN MASA 2:3

Eite in ama thupiaknate i zuih leh amah a thei taktak ihihna hong kilang hi.

Kolose 1:10

Tua bang hileh Topa’ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasian’ thu na theihna uh hong khang semsem ding hi.

Kolose 1:6

Note in Pasian hong hehpihna thu za-in, ahi bangbangin na theih hun uh a kipanin thupha na ngah uh bangin leitung midang khempeuh tungah zong lungdamna thu in thupha tunin, leitung khempeuhah a kizel ahi hi.

Johan 14:15

Tua ciangin Jesuh in, “Kei na hong it uhleh ka thupiakte zong na zui ding uh hi.

Luka 11:28

Ahi zongin Jesuh in, “Pasian’ thu za-in a zuite hamphazaw lai hi,” ci-in a dawng hi.

Filippi 1:11

Jesuh Khrih in note mihoih a hong suahsak theihna le mite in Pasian pahtawi-in a phattheihna thu, note’ gamtat hoih in midangte tungah kilangsak ding hi.

ROM (Romans) 7:4

Sanggamte aw, note zong tua mah tawh a kibang na hi uh hi. Khrih tawh pumkhat na hihna uh hangin thukham tawh kisai thu-ah a sikhin na hi uh a, Pasian’ nasepna-ah eite a man nei i suahtheih nadingin sihna panin a kithokiksak Khrih tawh nupa na hi uh hi.

ROM (Romans) 6:22

Ahi zongin tu-in mawhna bawlnopna panin suakta-in Pasian’ khutsung mi na hita uh hi. Tua thu hangin na ngah uh na pen Pasian a dingin a kipia khin nuntakna hi a, a tawntung nuntakna tawh a kizom ahi hi.

Johan 15:10

Ka Pa’ hong thupiakte zui-in ama itna sungah ka om mah bangin note in zong ka thupiaknate na hong zuih uhleh ka itna sungah a om na hi ding uh hi.

Mattiu 24:13

Ahi zongin a bei dongin a thuakzote in hotkhiatna ngah ding uh hi.

Thu-hilhkikna 30:6

Note in na lungsim khempeuh uh le na nuntakna khempeuh uh tawh Topa na Pasian uh itin na hintheih nadingun, Topa na Pasian un note le na suanlekhakte uh tungah thu man’ nopna lungsim hong guan ding hi.

Hebru 2:1

Tua ahih manin i zaksa thuman thutakte i khahsuahkhak loh nadingin kiptak khotakin i letkip ding kisam hi.

Efesa 2:8

Note’ upna hangin Pasian’ hong hehpihna tawh hotkhiatna a ngah na hi uh hi. Note’ thalawhna hangin a ngah hi loin Pasian’ hong piakkhong ahi hi.

1 KORIN MASA 7:19

Bang hang hiam cih leh vun atna le vun at lohna a thupi hi lo a, Pasian’ thupiakte zuih ding a thupi ahi hi.

ROM (Romans) 7:18

Ka leitung pumpi sungah a hoih na khat beek om lo hi, ci-in ka thei hi. Ka sungah a hoih gamtatnopna lungsim a om hangin ka hihzo kei hi.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

Jeremiah 31:33

Ahih hangin Topa in kong cihin-ah, tua hun hong tun ciangin Israel minamte tawh hih bangin thuciamna ka bawl ding hi: Amaute’ sungah ka thukham ka koih ding a, amaute’ lungtang tungah ka gelh ding hi. Kei pen amaute’ Pasian ka hi ding a, amaute pen keima mite ahi ding uh hi.

Jeim 1:4

A kisam bangmah om loin a cingtaak na suahtheih nadingun na thuakna uh hangin a tawntungin na kip paisuak nadingun na ngaihsun un.

Jeremiah 32:29

Hih khuapi a sim Khaldea mite hong pai-in mei tawh khuapi a hal ding uh a, ka heh nadingin innkhum tungah Baal milimte paknamtui halna tawh a biakna innte uh le pasian dangte’ kiangah tuidawn biakna a piakna uh innte zong a haltum ding hi.

Jeremiah 15:16

Na thute in kei hong kem a, an bangin ka ne hi. Na thute kei a dingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Paunak 3:1

Ka ta aw, kong thuhilhte mangngilh kei inla, kong thugente phawk tawntung in.

Late 119:11

Nangma tungah kong khialh loh nadingin ka lungsim sungah nangma thu ka khol hi.

Late 51:10

Pasian aw, keima sungah lungsim siangtho hong piangsak inla, a thak a man ngaihsutna ka sungah hong guan in.

Luka 8:14

Lingbulsum omna a tukna munte pen Pasian’ thu za napi-in a nuntakna sung uhah leitung lunghihmawhna, hauhna, le nopsaknate in depgawp ahih manin bangmah a suakkhia zo lote a cihnopna ahi hi.

Luka 8:16

Tua ciangin Jesuh in, “Mei a vak khit ciangin lawh a khuh ahi a, lupna nuai-ah a koih ahi zongin kuamah om lo hi. Innsungah a lut uh ciangin mite in khua a muhtheih nadingin meivak koihna kho sangah koih bek uh hi.

ROM (Romans) 8:25

I muh lohte i lamet ciangin lungduaitakin i ngak thei hi.