Luka 8:14 - Tedim Bible

¹⁴ Lingbulsum omna a tukna munte pen Pasian’ thu za napi-in a nuntakna sung uhah leitung lunghihmawhna, hauhna, le nopsaknate in depgawp ahih manin bangmah a suakkhia zo lote a cihnopna ahi hi.

Tedim Bible Revision 2017

¹⁴ Lingbulsum omna a tukna munte pen Pasianʼ thu za napi-in a nuntakna sung uh ah leitung lunghihmawhna, hauhna le nopsaknate in dep gawp ahih manin bangmah a suak khia zo lote a cihnopna ahi hi.

Luka 8:14 Referans Kwoze

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.

Marka 4:19

hih leitung lunghihmawhna, hauhnopna, le deihna dang a tuamtuamte in a thu khuhcip ahih manin bangmah suakkhia zo lo hi.

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Luka 8:7

Pawlkhatte, lingbulsum omna leilak tu a, lingte a khan ciangin a deplum hi.

2 TIMOTI NIHNA 4:10

Demas in hih leitung thu kinzaw ahih manin kei hong nusia-in Thesalonika khua-ah a pai hi. Kresen, Galatia gamah pai a, Titus, Dalmatia gamah pai hi.

Johan 15:6

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kangtum hi.

Luka 16:13

“To nih’ na a semkhawmzo nasem kuamah om lo hi. A to khat mudahin khat it ding a, khat beelin khat a simmawh ding hi. Pasian’ na le leitung sum na na semkhawmzo kei ding uh hi,” a ci hi.

Luka 8:13

Suang kitawphah leilak a tukna munte pen Pasian’ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawlkhat sung bek um uh a, ze-etna hun a tun ciangin a puk uh hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Hebru 6:1

Tua ahih manin Khrih thu a kipat cilna lelte nusia-in a thuthuk zawte ngaihsutin nei ni. Bangmahin a kimang lo nasepnate nusiat ding, Pasian upna thu,