Luka 8:13 - Tedim Bible

¹³ Suang kitawphah leilak a tukna munte pen Pasian’ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawlkhat sung bek um uh a, ze-etna hun a tun ciangin a puk uh hi.

Tedim Bible Revision 2017

¹³ Suang kitawphah leilak a tukna munte pen Pasianʼ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawl khat sung bek um uh a, ze-etna hun a tun ciangin a puk uh hi.

Luka 8:13 Referans Kwoze

Johan 5:35

Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Hosea 6:4

Israel le Judah aw, note bang hong cih thei nawn ding ka hi hiam? Note’ hong itna pen zingsang meiilum bangin thengpak a, a mangthangpak daitui tawh kibang lel hi.

Ezekiel 33:32

Amaute a dingin nang pen mite’ lungnop nadingin zawl la sa-in lasaknate a tum mipa tawh na kibang lel hi. Na thugen khempeuh hong ngai napi uh, khat beek zui lo uh hi.

Paunak 12:12

Migilote’ belh munmuanhuai pen leikhal bangin kitamzan a, mihoihte’ zung kip tawntung hi.

Juda 1:12

Note’ annek khopna-ah zumna mel nei loin hong omgawp uh ahih manin hong siatsuah uh a, amau’ pumpi bek ngaihsun uh hi. Amaute pen cikmahin guah a zusak ngei lo, huih in a letkhiatmang meiipi, tuk hun laitak nangawnin a gah a gah lo, kizunglotin a keutum singkungte,

2 PETER NIHNA 2:22

Paunak-ah, “Ui in a luak nekik hi,” a cihna le, “Vok a kisilsiang khit ciangin buannawng lak mahah bualkik veve hi,” a kicihna thu, amaute tungah a piang ahi hi.

2 PETER NIHNA 2:20

I Topa le Honpa Jesuh Khrih theihna hangin leitung siatna sung panin suakta khin napi-un, leitung siatna-ah awk kikin a lelte pen, a masa a pianzia uh sangin a nunung a pianzia uh siahuaizaw hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Efesa 3:17

na upna hangun note lungsim sungah Khrih hong tengin, itna thu-ah zung thuk kha-in bulkip na neih nadingun thu ka ngen hi.

Isaiah 58:2

Amaute pen, thumanin a gamta, amau’ Pasian’ biakna ngeina kipte a nusia lo minam bang keekin nisimin amaute in kei hong zong uh a, keima lampi a thei nuam uh hi. Amaute in keima kiang panin thukhenna man hong ngen uh a, Pasian’ kiang hong nai nuam uh hi.

Jeim 2:26

Tua ahih manin hu a diik lo, hu a sang lo pumpi pen a si ahih mah bangin sepna tawh a kizom lo upna zong a si ahi hi.

1 TIMOTI MASA 1:19

na upna le lungsim kisuang loin na omna thu kiptakin len paisuak in. Mi pawlkhatte in a lungsim kitheihna uhah man a kisakna bangun gamta lo uh ahih manin a thu upna uh a mawkna a suah uh hi.

1 THESALONIKA MASA 3:5

Tua ahih manin ka thuakzawh nawn loh ciangin note’ upna zia a thei dingin Timoti ka hong sawl hi. Dawimangpa’ ze-etna in note hong puksakkha-in, kote’ nasepna a mawkna suakkha ding hi, ci-in ka lunghimawh uh hi.

Kolose 2:7

Note tungah a hong kihilhsa bangin ama sungah zungthuk kha unla, ama deihna bangin nungta-in, na upna uhah khauh semsemin, lungdam takin om un.

Galati 3:4

A beisa huna na tuahsa uh thute khempeuh a mawkna suakkhin zen ding ahi hiam? Tawmkhat beek phattuamna hong pia thei tei dingin ka um hi.

Galati 3:1

Galati mihaite aw, singlamteh tungah Jesuh Khrih a sihna thu teltakin na theihsa uh ahih manin kua’ khemsa-in hici thei mawk na hi uh hiam?

1 KORIN MASA 15:2

Kei’ hong hilh thu pen lungdamna thu ahi hi. Note in kiptakin tua lungdamna thu na let nak-uhleh hotkhiatna a ngah na hi uh hi. Tua hikeileh na upna uh a mawkna ahi hi.

Johan 15:6

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kangtum hi.

Johan 15:2

Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi.

Paunak 12:3

Gitlohna in lungmuanna piangsak lo a, thuman mite lungmuang takin om uh hi.

JOB (Job) 19:28

Bang hang hiam cih leh, ‘Amah bangci gimsak thei ding ihi hiam?’ na ci uh hi. Kei nong suktheih nadingun paulap khatpeuh na zong uh hi.

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

Luka 8:12

Lamdungah khaici a tukna munte pen Pasian’ thu a zate a cihnopna ahi hi. Tuate in Pasian’ thu a zak hangun a thu um loin, hotkhiatna a ngah loh nadingun Dawimangpa hong pai-in a lakkhiatsak hi.

Luka 8:14

Lingbulsum omna a tukna munte pen Pasian’ thu za napi-in a nuntakna sung uhah leitung lunghihmawhna, hauhna, le nopsaknate in depgawp ahih manin bangmah a suakkhia zo lote a cihnopna ahi hi.