Luka 8:1 - Tedim Bible

¹ Tuazawh tawlkhat khit ciangin khuapite le khuaneute-ah a ban banin Jesuh pai a, Pasian’ Ukna hangin Lungdamna Thu hilhin a vak kawikawi hi. Tua a vak kawikawina-ah nungzui sawm le nihte,

Tedim Bible Revision 2017

¹ Tua zawh tawl khat khit ciangin khuapite le khuaneute ah a banbanin Jesu pai a, Pasianʼ Ukna hangin Lungdamna Thu hilhin a vak kawikawi hi. Tua a vak kawikawina ah nungzui sawm le nihte,

Luka 8:1 Referans Kwoze

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

ROM (Romans) 10:15

A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.

Sawltak 13:32

Kote pen note kiangah Lungdamna Thu a puak dingin hih lai-ah a hong om ka hi uh hi. Tua thu in: Pasian in i pu i pate tungah a ciam thu pen Jesuh a hinkik sakna tawh, Israel’ suan ahi eite le midang khempeuh a dingin tu-in a hong tungsak ahi hi. Late a lian nihna sungah, ‘Nang pen ka Tapa na hi a, tuni-in nangma Pa ka suak hi,’ a cihna thu hong tungsak hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong sehkhin ahih manin keima sungah Topa’ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Marka 1:39

Tua ahih ciangin Galilee gam sung khempeuhah amah zin a, a kikhopna uh innte-ah thu hilhin dawite a hawlkhia hi.

Mattiu 13:19

Mi pawlkhat in Pasian’ hong ukna tawh kisai a lungdamhuai thu za napi-in a thu theitel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lolai lampi dung a tu khaicite tawh kibang hi.

Mattiu 11:1

Jesuh in a nungzui sawm le nihte a vaikhakna a man khit ciangin tua kiimnai-a om khuate-ah thuhilh ding le thugen dingin tua mun panin a paikhia hi.

Mattiu 9:35

Tua bangin khuapite le khuaneute-ah Jesuh pai kawikawi a, a kikhopna uh innte-ah thu hilhin, Pasian’ ukna hangin a lungdamhuai thute gen a, natna nam khempeuh a damsak hi.

Luka 1:80

Tua naungek a pumpi le a lungsim siamna hong khang a, Israel mite lakah a kilaak hun matengin sehnel gam sungah a om hi.

Luka 9:6

Nungzuite zong kuankhia uh a, khua khempeuhah pai-in Lungdamna Thu hilh uh a, a paina khempeuh uhah cinate a damsak uh hi.

Luka 20:1

Nikhat, Jesuh in biakinntual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate, le upate hong paikhawm uh a,