Luka 7:9 - Tedim Bible

⁹ Jesuh in hih thu a zak ciangin lamdangsa mahmah a, amah a zui mihonte lamah kihei-in, “Israel mite lak nangawnah hih bang upna ka mu nai kei hi,” a ci hi.

Tedim Bible Revision 2017

⁹ Jesu in hih thu a zak ciangin lamdang sa mahmah a, amah a zui mihonte lamah kihei-in, “Israel mite lak nangawn ah hih bang upna ka mu nai kei hi,” a ci hi.

Luka 7:9 Referans Kwoze

Mattiu 15:28

Tua ciangin Jesuh in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dampah hi.

Mattiu 8:10

Jesuh in hih bupa thugen a zak ciangin lamdangsa a, amah a zui mihonte kiangah, “A mantak a kong genin-ah Israel mite lak nangawnah hih bang upna a nei ka mu nai kei hi.

Mattiu 9:33

Ama sung panin dawi a kihawlkhiat khit phetin tua mipa hong pautheikik pah hi. Mihonpite in lamdangsa mahmah uh a, “Israel gam sungah hih bang thu piang ngei nai lo hi,” a ci uh hi.

Luka 7:8

Kei zong uliante’ khutnuai-ah hong kikoih mi khat ka hi a, keima khutnuai-ah zong galkapte a om hi. Khat kiangah, ‘Pai in,’ ci leng a pai hi. Khat kiangah, ‘Hong pai in,’ ci leng a hong pai hi. Ka nasempa kiangah, ‘Hih na sem in,’ ci leng zong sem hi,” a ci hi.

Luka 7:10

A kamtaite, galkap bupa inn-ah hong tunkik ciangin a nasempa a na damsiang khinta hi.

Luka 7:50

Tua ciangin Jesuh in numei kiangah, “Na upna in nang hong damsak khinta hi; lungnuam takin va ciah in,” a ci hi.