Luka 7:7 - Tedim Bible

⁷ Nangmah tawh a kimu dingin zong kilawmzo kisa lo ka hih manin keima pumpi kong pai kei hi. Thu pia peuh lecin ka nasempa dam lel ding hi.

Tedim Bible Revision 2017

⁷ Nangmah tawh a kimu dingin zong kilawm zo kisa lo ka hih manin keima pumpi kong pai kei hi. Thu pia peuh lecin ka nasem pa dam lel ding hi.

Luka 7:7 Referans Kwoze

Late 107:20

Amah in thu vaikhakin amaute damsak a, siatna ding panin amaute a honkhia hi.

Luka 4:36

Kikhopna innsunga a om mi khempeuh in lamdangsa mahmah uh a, “Hih a kampaute a bangci kampau ahi hiam? Aana le vang neihna tawh dawi thu pia a, dawite a taikhia uh hi,” a ci uh hi.

Late 33:9

Bang hang hiam cih leh amah pau a, leitung hong piang hi; amah in thu pia a, na khempeuh hong om hi.

Marka 1:27

Mi khempeuh in lamdangsa uh a, khatlekhat in, “A bangci thu ahi hiam? Bang thuthak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.

Luka 5:13

Jesuh in zong a khut zanin amah lawng a, “Kong damsak nuam hi; dam ta in,” ci-in a dawng hi. Tua khit phetin a phaknatna a dampah hi.

Thu-hilhkikna 32:39

‘Tu-in thei un, keimah a kici pa pen kei ka hi a, kei simloh pasian dang kuamah om lo hi. Ka that a, ka nungtasak hi. Ka liamsak a, ka damsak hi. Ka khutsung pan a honkhiazo kuamah om lo hi.

1 SAMUEL MASA 2:6

Topa in thatin hingsakkik a, amah in Leinuai-ah paipih sukin thotosak hi.

Paikhiatna 15:26

“Note in Topa na Pasian uh thu limtakin na ngaih uh a, ama mai-ah a man nate hihin, ama thupiakte don a, ama ngeina kipte khempeuh na zuih uhleh, Egypt mite’ tungah ka tunsak natnate khat beek note’ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Luka 7:6

Tua ahih manin Jesuh in zong amaute sapna bangin a va zui hi. Jesuh a tun madiakin galkap bupa in Jesuh kiangah a lawmte pawlkhat sawl a, “Topa aw, ka inn-ah nong pai nadingin kei kilawm zo lo ka hih manin hong pai dah hoh in.

Luka 7:8

Kei zong uliante’ khutnuai-ah hong kikoih mi khat ka hi a, keima khutnuai-ah zong galkapte a om hi. Khat kiangah, ‘Pai in,’ ci leng a pai hi. Khat kiangah, ‘Hong pai in,’ ci leng a hong pai hi. Ka nasempa kiangah, ‘Hih na sem in,’ ci leng zong sem hi,” a ci hi.