Luka 7:6 - Tedim Bible

⁶ Tua ahih manin Jesuh in zong amaute sapna bangin a va zui hi. Jesuh a tun madiakin galkap bupa in Jesuh kiangah a lawmte pawlkhat sawl a, “Topa aw, ka inn-ah nong pai nadingin kei kilawm zo lo ka hih manin hong pai dah hoh in.

Tedim Bible Revision 2017

⁶ Tua ahih manin Jesu in zong amaute sapna bangin a va zui hi. Jesu a tun madiakin galkap bupa in Jesu kiangah a lawmte pawl khat sawl a, “Topa aw, ka inn ah nong pai nadingin kei kilawm zo lo ka hih manin hong pai dah hoh in.

Luka 7:6 Referans Kwoze

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasian’ hong hehpihna lianzaw hi.

Marka 5:24

Jesuh zong, tua mipa tawh a paikhia khawm hi. Mi tampi tak in zong zui uh ahih manin Jesuh a nehcip uh hi.

Luka 8:49

Tua bangin thu a gen laitakin kikhopna inn ukpa’ inn panin kamtai khat hong tung a, “Na tanu si khinzo ta hi. Siapa gimsak nawn kei in,” a hong ci hi.

Jeim 4:10

Topa mai-ah kiniamkhiat un. Tua hileh amah in hong lian bawl ding hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Luka 5:8

Simon Peter in hih thu a muh ciangin Jesuh’ mai-ah khukdin a, “Topa aw, kei mawhnei mi ka hih manin ka kiang panin paikhia in,” a ci hi.

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpitakin lianzaw a, ama khedap a tawisak ding nangawnin ka kilawmzo nai kei hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Luka 7:4

Jesuh kiangah Jew mi upate a tun uh ciangin nakpitakin thum uh a, “Amah na huh dingin a kilawm mahmah mi khat ahi hi.

Piancilna 32:10

kei pen na itna kip khempeuh lak pan a neupen le na nasempa tunga nong lahsa na thumannate khempeuh tawh ka kilawm kei hi. Bang hang hiam cih leh ka ciangkhut guak tawh hih Jordan ka kantan a, ahi zongin tu-in pawl nih ka cing khinta hi.

Luka 7:5

Amah in ei minam hong it mahmah a, kikhop nading inn khat zong hong lamsak hi,” a ci uh hi.

Luka 7:7

Nangmah tawh a kimu dingin zong kilawmzo kisa lo ka hih manin keima pumpi kong pai kei hi. Thu pia peuh lecin ka nasempa dam lel ding hi.