Luka 7:47 - Tedim Bible

⁴⁷ Tua ahih ciangin nang kiangah kong genin-ah, ama mawhna tampi tak a omte kimaisak khin ahih manin amah in a itna nakpitakin a lak hi. Ahi zongin tawmno bek a kimaisakte in a itna uh tawmno bek mahin a lak uh hi,” a ci hi.

Tedim Bible Revision 2017

⁴⁷ Tua ahih ciangin nang kiangah kong genin ah, ama mawhna tampi tak a omte kimaisak khin ahih manin amah in a itna nakpi takin a lak hi. Ahi zongin tawmno bek a kimaisakte in a itna uh tawmno bek mahin a lak uh hi,” a ci hi.

Luka 7:47 Referans Kwoze

1 JOHAN MASA 4:19

Pasian in eite hong it masa ahih manin eite in itna i nei thei hi.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

Isaiah 1:18

Topa in hih bangin ci hi: “Tu-in hong pai unla, thu kikumkhawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

ROM (Romans) 5:20

Khialhna a tam semsem nadingin thukham hong kipia hi. Ahi zongin khialhna a tamna munah Pasian’ hehpihna hong lianzaw zel hi.

Efesa 6:24

Tatsat loin i Topa Jesuh Khrih a it tawntung mi khempeuh tungah hehpihna thupha hong tung tahen.

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

1 JOHAN MASA 5:3

Pasian i it ciangin ama thupiakte a zui ihi hi. Eite a dingin ama thupiakte zuih ding a haksa lua hi lo hi.

1 TIMOTI MASA 1:14

Pasian in genzawh lohin kei hong hehpih a, Khrih Jesuh tawh kipawlna hangin i ngahtheih upna le itna a hong guan hi.

Filippi 1:9

Note a’ ding deihsakna tawh thu ka hong ngetsak thu in: Note’ lungsimah itna khang semsemin, a sia le a pha a mantakin khenthei-in a hoihpen na teeltheih nading uh ahi hi.

Sawltak 5:31

Israel mite kisik kikin Pasian in a mawhna uh a maisak theih nadingin Ukpi le Honpa-in tua Jesuh bawlin ama taklamah a tusak hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawlkhat ihi a, ama Tapa Jesuh’ sisan in i mawhna khempeuh panin eite hong siangsak hi.

Luka 7:39

Jesuh a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numeinu a bangci mi ahi hiam cih thei ding a, ama gamtat hoih lohna teng zong thei ding hi,” a ci hi.

Mattiu 10:37

“Kei sangin a nu a pa a itzawte kei tawh kilawm lo a, kei sangin a tapa a tanu a itzawte kei tawh kilawm lo hi.

2 KORIN NIHNA 5:14

Mi khempeuh a dingin mi khat si khin ahih manin mi khempeuh zong a ngeina lui uhah si khinta hi, ci-in ka theihna hangun tua Khrih’ itna in kote’ nuntakna hong uk hi.

Micah 7:19

Kote nong khasiat kik ding a, ka mawhnate uh hong sawpkhiat sakin, tuipi taw-ah nong paihsak ding hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cih nading mel thei loin na om ding hi, Topa Pasian in ci hi,” a hong ci hi.

Luka 7:46

Nang in ka lu sathau nong nilhsak kei a, ahi zongin amah in ka khe nangawn sathau namtui hong nuhsak hi.

Luka 7:48

Tua ciangin Jesuh in numei kiangah, “Na mawhnate hong kimaisak khin hi,” a ci hi.