Luka 7:39 - Tedim Bible

³⁹ Jesuh a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numeinu a bangci mi ahi hiam cih thei ding a, ama gamtat hoih lohna teng zong thei ding hi,” a ci hi.

Tedim Bible Revision 2017

³⁹ Jesu a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numei nu a bangci mi ahi hiam cih thei dinga, ama gamtat hoih lohna teng zong thei ding hi,” a ci hi.

Luka 7:39 Referans Kwoze

Luka 7:16

Amaute khempeuh in lamdangsa mahmah uh a, Pasian min phatin, “Eite lakah kamsang lian khat hong om khinta a, a mite a honkhia dingin Pasian hong pai khinta hi,” a ci uh hi.

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Marka 7:21

Bang hang hiam cih leh mihingte’ lungsim sung panin nungak-tangval mawhnopna, guktakna, mi thahna, zilepasal neisate tawh mawhnopna,

Isaiah 65:5

“Note kiang panin kote hong kituamkoih ahih manin kihemkhia unla, ko kiangah hong pai kei un,” ci-in midangte tungah a gen mite - hih bang mite khempeuh a sang dingin a beisa hun sungah ka kiging tawntung hi. Hih bang mite ka thuakzo nawn kei hi. Amaute tungah ka hehna pen a mit ngei lo meikuang tawh kibang hi.

Johan 9:24

Tua ciangin a mittaw ngei pa mah samkik leuleu uh a, “Pasian’ mai-ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Johan 7:12

Ama thu hangin mihonte lakah kam kihona tampi om a, “Amah mi hoih mahmah khat hi,” ci uh a, pawlkhat in, “Mi khemin a lam khialhpih ding pa ahih manin mihoih hi het lo hi,” a ci uh hi.

Johan 4:19

Tua ciangin numei in, “Sia aw, nang pen kamsang khat na hihna thu ka hong thei hi.

Luka 18:4

Tawlkhat sung thudon loin om a, ahi zongin a nung ciangin, ‘Pasian zahtak loin, mite zong ka donnop kholloh hangin,

Luka 16:3

Tua ciangin a nasempa in lungngai a, ‘Ka topa in ka nasepna panin hong tawpsak ding ahih manin bangci gamtat ding ka hi hiam? Thatang nasep lah ka ngap kei a, nektawm ding mi kiangah nget ding lah ka maizum hi.

Luka 7:37

Tua khua sungah a paktat numei khat om hi. Farisi mipa’ inn-ah Jesuh in an ne-in a omna thu a zak ciangin paknamtui suangngo thawl a dim khat hong paipihin,

Luka 3:8

Na kisikna uh a kilat nadingin gamta un. Note khatlekhat in, ‘Abraham’ suante ihi ngawn hi,’ mawkcih kei un. Ke’n kong cihin-ah, Pasian in hih suangte nangawn Abraham’ suanlekhakte-in bawl thei lel hi.

Paunak 23:7

“Ne ne un,” hong cih hangin a cih takpi hi lo hi. Bang hang hiam cih leh na dangtawng a hong sun samzang nekkhak tawh kibang ding hi.

2 KUMPI NIHNATE 5:20

Pasian’ mipa Elisha’ nasem Gehazi in, “Ama hong puak nate sang loin ka topa in Syria mi hih Naaman ciahsak mawk hi. Topa a nungta ahih mah bangin, amah nungdelhin ama tung panin na khat peuhpeuh ka ngah ding hi,” a ci hi.

Luka 12:17

Tua ciangin amah in a lungsim sungah, ‘Ka an khempeuh ka koih nading mun kicing lo ahih manin bangcih ding ka hi hiam?

Mattiu 20:16

Tua ahih manin a neute lian ding a, a liante neu ding hi,” a ci hi.

Mattiu 21:11

Mihonpite in, “Galilee gam Nazareth khua pana kamsang Jesuh hi,” ci-in a dawng uh hi.

Luka 7:38

Jesuh’ nungah tu-in kap a, a khitui tawh Jesuh’ khete kawtsakin a sam tawh nulsak a, a khete namin a sathau puak a nuh hi.

Luka 7:40

Tua ciangin Jesuh in, “Simon aw, kong gennop khat om hi,” a ci hi. Simon in, “Sia aw, bang hong gennuam na hi hiam?” a cih ciangin