Luka 7:37 - Tedim Bible

³⁷ Tua khua sungah a paktat numei khat om hi. Farisi mipa’ inn-ah Jesuh in an ne-in a omna thu a zak ciangin paknamtui suangngo thawl a dim khat hong paipihin,

Tedim Bible Revision 2017

³⁷ Tua khua sungah a paktat numei khat om hi. Farisi mipaʼ inn ah Jesu in an ne-in a omna thu a zak ciangin paknamtui suangngo thawl a dim khat hong paipihin,

Luka 7:37 Referans Kwoze

Luka 5:32

Mite in a zahtak mihoihte a kisik nadingun a sam dingin hong pai ka hi kei a, mite in a pampaih mite a kisik nadingun a sam dingin a hong pai ka hi hi,” ci-in a dawng hi.

Mattiu 21:31

Hih tapa nihte sung panin a koi bel pen a pa’ deih bangin gamta ahi hiam?” a ci hi. Amaute in, “A ta uzaw a ta hi,” a ci uh hi. Tua ciangin Jesuh in amaute kiangah, “Note kiangah a mantak a kong genin-ah: Pasian’ ukna sungah note sangin siahdongte le numei paktatte lut masazaw ding hi.

1 PETER MASA 4:18

Lai Siangtho in, “Mi hoihte kihonkhia zo liailiai bek ahihleh Pasian a um lo mawhnei mite bang suak ding ahi hiam?” na ci hi.

1 TIMOTI MASA 1:9

Ahi zongin i phawk dingah, mi hoihte a dingin thukham a kibawl hi lo a, thukham zui lote, thumang lote, Pasian’ deih bangin a gamta lote le mawhneite, biakna lungsim a nei lote le kam kilawm lo a paute, nute pate a thatte, midang a thatte,

Luka 18:13

Ahi zongin siahdongpa pen a gamla simah ding a, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Luka 5:30

Farisi mite le amau sung panin Thukham hilh siate, nungzuite tungah phun uh a, “Bang hangin siahdongte le thukham khial mite tawh an nekhawm na hi uh hiam?” a ci uh hi.

ROM (Romans) 5:8

Ahi zongin eite mawhna nei ihih laitakin eite a dingin Khrih hong si ahih manin Pasian in eite hong it mahmahna thu hong lak khin hi.

Johan 11:2

Mary i cih pen Jesuh sathau nuhin a sam tawh a nulsaknu hi a, Lazaras pen ama u ahi hi.

1 TIMOTI MASA 1:15

Khrih Jesuh, mawhneite a honkhia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.

Johan 9:31

Pasian in thukham a palsat mite’ thu ngai lo a, amah bia-in, ama deih bangin a gamta mite’ thu ngai hi, ci-in ko ka thei uh hi.

Johan 9:24

Tua ciangin a mittaw ngei pa mah samkik leuleu uh a, “Pasian’ mai-ah kiciamin a man taktak hong gen in. Kote in hih mipa thukham palsatin a gamta pa hi, ci-in ka thei uh hi,” a cih uh ciangin amah in,

Luka 19:7

Hih thu a thei mi khempeuh phun uh a, “Mimawh pa’ inn-ah a giak dingin Jesuh a pai hi,” a ci uh hi.

Luka 7:34

Mihing Tapa hong pai leuleu a, zune anne-in a om ciangin, ‘Zuhai, anhai pa, siahdongte le midangte in a kikholhpih nop loh mite tawh a kikhawlpa,’ ci leuleu uh hi.

Luka 7:36

Farisi mite khat in a inn-ah an ne dingin Jesuh sam a, Jesuh zong pai-in an ne dingin a tu hi.