Luka 7:34 - Tedim Bible

³⁴ Mihing Tapa hong pai leuleu a, zune anne-in a om ciangin, ‘Zuhai, anhai pa, siahdongte le midangte in a kikholhpih nop loh mite tawh a kikhawlpa,’ ci leuleu uh hi.

Tedim Bible Revision 2017

³⁴ Mihing Tapa hong pai leuleu a, zune anne-in a om ciangin, ‘Zuhai, anhai pa, siahdongte le midangte in a kikholh pih nop loh mite tawh a kikhawl pa,’ ci leuleu uh hi.

Luka 7:34 Referans Kwoze

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Johan 12:2

Amaute in nitak an na vak uh a, Lazaras ahihleh Jesuh tawh an ne-in tukhawmin, Martha pen anpia-in a manlah hi.

Luka 19:7

Hih thu a thei mi khempeuh phun uh a, “Mimawh pa’ inn-ah a giak dingin Jesuh a pai hi,” a ci uh hi.

Luka 14:1

Sabbath ni khatin Farisi mi upa khat’ inn-ah an ne dingin Jesuh pai a, mite in amah encik uh hi.

Luka 7:36

Farisi mite khat in a inn-ah an ne dingin Jesuh sam a, Jesuh zong pai-in an ne dingin a tu hi.

Luka 5:29

Tua ciangin Levi in ama inn-ah Jesuh vakna annek pawipi bawl a, annekna sabuai-ah siahdong dang tampite le midangte zong tawh a tukhawm uh hi.

Mattiu 9:11

Farisi mite in hih thu a muh uh ciangin Jesuh nungzuite kiangah, “Bang hangin na siapa un siahdongte le thukham khialte tawh an nekhawm ahi hiam?” a ci uh hi.

Johan 2:2

Jesuh le a nungzuite zong tua pawi-ah a kisam hi.

Luka 11:37

Jesuh in a thugen a mankhit ciangin Farisi mi khat in an nekpih dingin Jesuh a sam hi. Amah zong pai-in an ne dingin a tu hi.

Mattiu 5:46

Tua ahih manin no hong itte bek na it uhleh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Mattiu 11:19

Mihing Tapa hong pai leuleu a, zune anne-in a om ciangin, ‘Zuhai anhai pa; siahdongte le midangte in a kikholhpih nop loh mite tawh a kikhawlpa,’ ci leuleu uh hi. Ahi zongin Pasian’ pilna a man taktakna thu a gah panin hong kilang hi,” a ci hi.

Luka 7:33

Bang hang hiam cih leh Tuiphumpa Johan hong pai a, amah in zu le an tangin a om ciangin, ‘Dawivei hi,’ a ci uh hi.

Luka 7:35

Ahi zongin Pasian’ pilna a man ahih lamtak, ama thu a zui mite in kilangsak hi,” a ci hi.