Luka 7:32 - Tedim Bible

³² Mihon omna lamkabomah a tu naupang a kimawlte tawh kibang uh hi. Naupang honkhat in a lawmte kiangah, ‘Lam nading khuang kong tumsak hangun na lam nuam kei uh a, kahna la ka sak hangun lah na kap nuam tuan kei uh hi,’ a cihte tawh a kibang uh hi.

Tedim Bible Revision 2017

³² Mihon omna lamkabom ah a tu naupang a kimawlte tawh kibang uh hi. Naupang hon khat in a lawmte kiangah, ‘Lam nading khuang kong tumsak hangun na lam nuam kei uh a, kahna la ka sak hangun lah na kap nuam tuan kei uh hi,’ a cihte tawh a kibang uh hi.

Luka 7:32 Referans Kwoze

Paunak 17:16

Mihai pa in thu ngaihsun thei lo ahih manin pilna zonna ding sum tampi a zat hangin a phattuamna om lo hi.

Zekhariah 8:5

Kongzing khempeuhah numei naupang kimawlin phezaizai ding uh hi.

Mattiu 20:3

Zingsang nai kua hun ciangin mihon omna sumbukah pai leuleu a, mi pawlkhat bangmah sem loin a mawk om a muh ciangin,

Luka 7:31

Tua ciangin Jesuh in, “Tuhuna mite bang tawh genteh ding a, bang tawh kibang ci ding ka hi hiam?

Luka 7:33

Bang hang hiam cih leh Tuiphumpa Johan hong pai a, amah in zu le an tangin a om ciangin, ‘Dawivei hi,’ a ci uh hi.