Luka 7:27 - Tedim Bible

²⁷ Bang hang hiam cih leh Lai Siangtho in Johan thu a genna-ah, ‘Hih lai-ah ka kamtai pa om hi. Nangma lampi a hong dingin na mai-ah ka mapaisak ding hi, ci-in Pasian in gen hi,’ ci-in kigelh hi.

Tedim Bible Revision 2017

²⁷ Bang hang hiam cih leh Lai Siangtho in Johan thu a genna ah, ‘Hih lai ah ka kamtai pa om hi. Nangma lampi a hong dingin na mai ah ka ma paisak ding hi, ci-in Pasian in gen hi,’ ci-in kigelh hi.

Luka 7:27 Referans Kwoze

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Luka 1:76

“Nang, ka tapa na hi a, Lianpen Pasian’ kamsangpa hong kici ding hi. Ama pai nading lampi a bawlkhol dingin Topa’ mai-ah na mapai ding hi.

Marka 1:2

Kamsang Isaiah Lai Siangtho sungah, “Nangma mai-ah ka kamtai pa ka sawl a, amah in na pai nading lampi a bawlkhol ding hi.

Johan 1:23

Johan in, “Kamsang Isaiah in a na gen mah bangin, ‘Topa’ tot ding lampi na tangsak un,’ ci-in gam sungah a kikopa ka hi hi,” ci-in a dawng hi.

Mattiu 11:10

Bang hang hiam cih leh Lai Siangtho in Johan’ thu a genna-ah, ‘Na pai nading lampi a hongkhol dingin nangma mai-ah ka kamtai pa ka sawl hi,’ ci-in Pasian in gen hi, ci-in kigelh hi.

Isaiah 40:3

Awging khat in, “Gamlakah Topa’ lampi sial unla, sehnel gam sungah i Pasian a’ ding lam lianpi khat a tangin bawl un.

Luka 7:26

Tua ahihleh bang a en dingin a pai na hi uh hiam? Kamsangpa khat a en dingin a pai na hi uh hiam? Hi hi, kamsangpa a en dingin na pai uh a, kamsang ciang bek hi loin a lianzaw khat na mu uh hi.

Luka 7:28

Johan pen leitung mihing sung khempeuh panin a lianpen ahi hi. Ahi zongin Pasian’ Ukna sunga a om mi a neupen i cihte nangawn Johan sangin lianzaw lai hi,” a ci hi.