Luka 7:13 - Tedim Bible

¹³ Topa in tua meigongnu a muh ciangin a khasiat suak a, “Kap kei in,” ci-in a khem hi.

Tedim Bible Revision 2017

¹³ Topa in tua meigongnu a muh ciangin a khasiat suak a, “Kap kei in,” ci-in a khem hi.

Luka 7:13 Referans Kwoze

Isaiah 63:9

Vantung mite’ hotkhiat hi loin, Topa mahmah in amaute honkhia hi. A itna le a hehpihna tawh amaute honkhia a, amah in a beisa hun khempeuhah amaute hoihtakin a kem hi.

Late 103:13

Pa in tate a hehpih bangin Topa in amah a zahtakte hong hehpih hi.

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmahin, itna kip le thumanna tawh a kidim na hi hi.

Luka 8:52

Tua lai-a om mi khempeuh, tua numeino’ sihna hangin kapin, thumin na om uh hi. Ahi zongin Jesuh in, “Kap nawn kei un, amah a si hi lo hi; a ihmu bek ahi hi,” a ci hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Hebru 2:17

Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

Johan 20:15

Jesuh in, “Numei aw, bang hangin kap na hi hiam? Kua zong na hi hiam?” ci-in a dot ciangin Mary in huan cing pa sa ahih manin, “Sia aw, amah na puakkhiat leh koi lai-ah koih na hi hiam hong gen in. A luang ka la nuam hi,” a ci hi.

Marka 8:2

“Hih mite, kei kiangah ni thum bang hong omkhin uh a, tu-in nek ding nei nawn lo uh ahih manin hehpihhuai ka sa hi.

Thukhente 10:16

Tua ahih ciangin amaute in amau’ lak panin gamdang pasian-te koih khia-in Topa a bia uh hi. Tua ahih ciangin Israel-te’ gentheihna ah amah a dah hi.

Johan 11:2

Mary i cih pen Jesuh sathau nuhin a sam tawh a nulsaknu hi a, Lazaras pen ama u ahi hi.

Luka 24:34

“Topa hingkik khin takpi hi. Simon kiangah na kilak khinzo hi,” ci-in a kigengen laitak uh a tuak uh hi.

Luka 17:5

Nikhat, sawltakte in Topa kiangah, “Ka upna uh hong liansak in,” a ci uh hi.

1 KORIN MASA 7:30

a dahte pen a dah lo mah bangin kingaihsun uh hen la, a lungdamte pen a lungdam lo mah bangin kingaihsun uh hen la, na a leite pen bangmah a nei lo mah bangin kingaihsun uh hen la,

Johan 20:13

Tua vantung mite in Mary kiangah, “Bang hangin kap na hi hiam?” ci-in a dot uh ciangin amah in, “Amaute in ka Topa paikhiatpih uh a, koi lai-ah koih ahi uh hiam, cih ka thei kei hi,” ci-in a dawng hi.

Luka 13:15

Tua ciangin Topa in amah dawng a, “No a kineihkhem mite aw, note in Sabbath ni mahin zong na bawngte uh ahi a, na late uh ahi zongin a buk panin na khihna khaute uh sutin, tui pia dingin paipih hi lo na hi uh hiam?

Luka 10:1

Tua khit ciangin Jesuh in ama pai nading khua le mun khempeuhah nih nihin a na pai dingin mi sawmsagih seh a, ama mai-ah a mapaisak hi.

Luka 7:19

Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh adang na lamen lai ding ka hi uh hiam?” ci-in a dong dingin a sawl hi.

1 THESALONIKA MASA 4:13

Sanggamte aw, lametna a nei lo mite bangin na dahluat loh nadingun a sisa mite’ omzia ding thu na theih ding uh ka deih hi.

Luka 22:61

Jesuh zong kihei-in Peter hong en a, “Tuni-in ak a khuan’ ma-in thumvei nong nial ding hi,” ci-in Topa’ kampauna thu Peter in hong phawkvat hi.

Luka 7:12

Tua khua kulhkongpi a tun laitakun misi vui-a hong pai mihon tawh a kituak uh hi. A misi pen meigong khat’ tapa khat neihsun hi a, tua khuasung mihon tampite in tua si vuina-ah meigongnu hong zui uh hi.

Luka 7:14

Tua ciangin pai-in a hankuang va len a, si puate zong a khawlpah uh hi. Tua ciangin Jesuh in, “Tangval aw, tho in, kong ci hi,” a ci hi.

Luka 11:1

Khat vei, Jesuh in mun khatah thu a ngen hi. A thunget a mankhit ciangin a nungzuite khat in, “Topa aw, Johan in a nungzuite a hilh bangin kote zong thungetzia hong hilh in,” a ci hi.

Luka 11:39

Tua ciangin Topa in ama kiangah, “No Farisi mite in hai leh kuangte a pualam na siangsak uh a, ahi zongin note na lungsim sung uhah huaihamin na gi kei uh hi.

Luka 12:42

Topa in, “A pil a citak nasempa i cih a bangcite ahi hiam? A naseppih dangte ukin a hun manmanin amaute’ nekzah ding ciat a pia dingin a topa in a seh nasempa ahi hi.

Luka 17:6

Topa in, “Ankam tang cia a pha upna nei le-uhcin, hih nailung kung kiangah, ‘Kizunglot inla tuipi sungah va po in,’ ci le-uhcin na cih bangun piangzo ding hi.

Luka 18:6

Tua ciangin Topa in, “Hih mihoih lo thukhen pa’ kampauna ngaihsun un.

Luka 19:8

Tua ciangin Zakkhias dingin Topa kiangah, “Topa aw, ka neihsa a kimkhat mizawngte tungah ka pia ding hi. Mi khatpeuh khemin a na ka laksak leh a zah li-in ka lohkik ding hi,” a ci hi.

Luka 24:3

a sungah tumpah uh a, ahi zongin Topa Jesuh’ luang na om lo hi.

Johan 4:1

Jesuh in Johan sangin mi tam ngahzaw in a tuiphumna thu Farisi mite in a za uh hi.

Johan 6:23

Ahi zongin Tiberias khua panin gunkuang dang tampi hong pai a, Jesuh in lungdamna a kohkhit ciangin an a nekna uh munah hong tung uh hi.

Johan 11:3

Tua ahih manin a nau numei tegel in Jesuh kiangah, “Topa aw, na it mipa a ci na hi,” ci-in thu a zasak uh hi.