Luka 6:49 - Tedim Bible

⁴⁹ Ahi zongin ka thuhilhna za napi-in a zui lote pen bulkip a nei lo, leilak mawkmawkah inn a lam pa tawh kibang hi. Tuikhang in tua inn a nawk ciangin thakhat thu-in siagawppah a, tua inn pen naksiat mahmah hi,” a ci hi.

Tedim Bible Revision 2017

⁴⁹ Ahi zongin ka thuhilhna za napi-in a zui lote pen bulkip a nei lo, leilak mawkmawk ah inn a lam pa tawh kibang hi. Tuikhang in tua inn a nawk ciangin thakhat thu-in sia gawp pah a, tua inn pen naksiat mahmah hi,” a ci hi.

Luka 6:49 Referans Kwoze

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uhah amau’ meetna ding bek ngaihsun uh hi.

Mattiu 23:3

amaute’ gen khempeuh zui-in sem unla, ahi zongin amaute pen a gen bangun gamta lo uh ahih manin amaute’ gamtat bangin gamta kei un.

Paunak 28:18

Thumanin a gamta mite lungmuangin om ding uh a, a zuautat mite ahihleh puk ding uh hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

Johan 15:2

Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi.

Luka 12:47

A topa’ deihna thei napi-in a topa’ deih bangin a gamta nuam lo nasem pa pen nakpitakin kisat ding hi.

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Marka 4:17

Ahi zongin amaute sungah thuktum lo ahih manin sauveipi kip lo hi. Tua thu hangin lungkhamna ahi a, bawlsiatna ahi zongin a tun ciangin a pukpah uh hi.

2 PETER NIHNA 2:20

I Topa le Honpa Jesuh Khrih theihna hangin leitung siatna sung panin suakta khin napi-un, leitung siatna-ah awk kikin a lelte pen, a masa a pianzia uh sangin a nunung a pianzia uh siahuaizaw hi.

1 THESALONIKA MASA 3:5

Tua ahih manin ka thuakzawh nawn loh ciangin note’ upna zia a thei dingin Timoti ka hong sawl hi. Dawimangpa’ ze-etna in note hong puksakkha-in, kote’ nasepna a mawkna suakkha ding hi, ci-in ka lunghimawh uh hi.

Sawltak 26:11

Kikhopna inn khempeuhah amaute gim ka thuaksak zelzel a, a thu upnate uh ka khawlsak hi. Amaute tungah hehlua mahmah ka hih manin gamdang nangawnah pai-in thu umte ka bawlsia hi.

Sawltak 20:29

Kei ka om nawn loh ciangin, sa gilote in gannote a phialgawp bangin, mi pawlkhat in thu um mite hong phialgawp ding lamtak ka thei hi.

Luka 19:27

Tu-in, kumpi dingin kei a hong deih lo ka galte pen hih lai-ah hong paipih unla, keima muhna-ah that un,’ ci hi,” a ci hi.

Luka 19:14

Ahi zongin ama gammite in hih ulianpa mudah uh ahih manin ama nungah kamtai sawl uh a, ‘Ka kumpi dingun nang kong deih kei uh hi,’ cisak uh hi.

Mattiu 24:10

Tua hun ciangin mi tampi in a upna uh khahsuah ding a, khatlekhat kimudahin khatlekhat kilehhek ding uh hi.

Hosea 4:14

Na tanute uh a paktat manin gim ka pia kei ding a, na mote uh midang tawh a mawh manin zong gim ka pia tuan kei ding hi; bang hang hiam cih leh note mahmah numei paktatte tawh na mawh uh a, biakinn numeite tawh nulepa mawhna biakna na bawl uh hi. Paunak-ah, “Thuhoih phawktheihna a nei lo mite in siatna thuak ding hi,” kici hi.

Luka 6:48

suang tungah inn lamin, a khuamkua ding suangsung thukpi tak to-in a phut pa tawh kibang hi. Tui a khan ciangin tui in tua inn a nawk hangin limtakin kilam ahih manin susia zo lo hi.

Luka 7:1

Jesuh in mite kiangah a thugen dingteng a man khit ciangin Kapernaum khua-ah a pai hi.