Luka 6:48 - Tedim Bible

⁴⁸ suang tungah inn lamin, a khuamkua ding suangsung thukpi tak to-in a phut pa tawh kibang hi. Tui a khan ciangin tui in tua inn a nawk hangin limtakin kilam ahih manin susia zo lo hi.

Tedim Bible Revision 2017

⁴⁸ suang tungah inn lamin, a khuam kua ding suang sung thukpi tak to-in a phut pa tawh kibang hi. Tui a khan ciangin tui in tua inn a nawk hangin limtakin kilam ahih manin susia zo lo hi.

Luka 6:48 Referans Kwoze

Late 62:2

Kei hong huhpa le hong honpa amah bek hi a, ka guallel ngei kei ding hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi. Tua suang tungah, ‘Hih a um mi in lungkhamna tuaklo ding hi,’ ci-in kigelh hi.

Juda 1:24

Ama minthanna mai-ah paubaanna om hetloin lungdam takin a hong paipih theih nadingin note na pukkhak nading panun a hong kem,

Isaiah 26:4

Topa Pasian in eite khempeuh hong hu tawntung ahih manin Topa muang tawntung un.

Efesa 2:20

Note zong, sawltakte le kamsangte in a phuhsa innkhuam tungah a kilam na hi uh a, tua inn sutpi pen Jesuh mahmah ahi hi.

1 JOHAN MASA 2:28

Ka itte aw, Khrih hong kilatkik ciangin lungmuang takin i omtheih nading le ama hong pai Ni ciangin i bukbuk loh nadingin amah tawh kiptakin kipawl ni.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

Late 32:6

Tua ahih ciangin nang hong kimuh theih lai-in mihoih khempeuh, nang tungah thu kingensak in. Tua hileh tuikhang in amaute ban lo ding hi.

2 SAMUEL NIHNA 22:32

Topa longal Pasian kua hiam? I Pasian simloh, hong hu kua hiam?

Paunak 10:25

Huihpi a nun’ ciangin migilote leenmang a, thuman mite lungmuangin om tawntung uh hi.

2 SAMUEL NIHNA 22:47

“Topa hing hi; kei hong hupa in thupha ngah hen la, ka Pasian, kei hong honkhia pa,

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna-ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

Johan 16:33

Keimah tawh na hong kipawlna uh hangin lungnopna na neihtheihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Nahum 1:8

Tuikhang in a suksiat bangin a langte susiagawp a, a galte khempeuh khuamial sungah a nawtkhia hi.

Late 95:1

Hong pai un, Topa phat ni. Eite a hong hu, a hong honkhia pa tungah lungdamna la sa ni.

2 SAMUEL NIHNA 22:5

“Bang hang hiam cih leh sihna tuihualte in kei hong tum a, siatna tuikhangte in kei hong nawk hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

2 SAMUEL NIHNA 22:2

Amah in, “Topa, kei hong hupa, ka kulhpi, kei hong honkhia pa,

1 SAMUEL MASA 2:2

“Topa bangin a siangtho kuamah dang om lo a, amah simloh kuamah dang om lo a, i Pasian tawh a kibang hong hu dang om lo hi.

Thu-hilhkikna 32:31

Bang hang hiam cih leh i galte’ pasian eite’ Pasian bang hi lo a, i galte’ thungetna a mawkna ahi hi.

Thu-hilhkikna 32:18

Note a hong Honkhia pa na phawk kei uh a, note a hong suaksak Pasian na mangngilh uh hi.

Luka 6:47

Ka kiangah hong pai a, ka thuhilhna za-in a zuite khempeuh pen kua tawh kibang hiam cih leh,

Luka 6:49

Ahi zongin ka thuhilhna za napi-in a zui lote pen bulkip a nei lo, leilak mawkmawkah inn a lam pa tawh kibang hi. Tuikhang in tua inn a nawk ciangin thakhat thu-in siagawppah a, tua inn pen naksiat mahmah hi,” a ci hi.