Luka 6:45 - Tedim Bible

⁴⁵ Mihoih pa in a lungsim sunga thuhoih omteng hong suahkhia a, migilo pa in a lungsim sunga a gitlohna teng hong suahkhia hi. Bang hang hiam cih leh mite pen amau’ lungsim sunga a om bangbang a hong paukhia uh ahi hi.

Tedim Bible Revision 2017

⁴⁵ Mihoih pa in a lungsim sunga thuhoih om teng hong suah khia a, migilo pa in a lungsim sunga a gitlohna teng hong suah khia hi. Bang hang hiam cih leh mite pen amauʼ lungsim sunga a om bangbang a hong pau khia uh ahi hi.

Luka 6:45 Referans Kwoze

Paunak 4:23

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

Efesa 4:29

Na kiho uh ciangin kamguh zang kei unla, na pauna uh a za mite in phattuamna a ngahtheih nadingin na-in a kimang kam hoihte bek na pau un.

Johan 7:38

Lai Siangtho sungah, ‘Kei hong um mite sung panin nuntakna tui luangkhia ding hi,’ a cih mah bangin kei hong um mite ka kiangah hong pai-in hong dawn ta un,” a ci hi.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

Late 59:12

Amau’ kama a mawhna a muk uh tawh a pauna hangin, amau’ kiphatsakna-ah amau mah awksak in. Amaute in hamsiatna zangin zuauthu a genna hangun,

Kolose 4:6

Kam na pau uh ciangin mi’ zaknop, mi’ ngaihnop dingin na pau un. Tua hileh na kihopih uh mite khempeuh a dingin phattuamna a nei kam a pau na hi ding uh hi.

Paunak 12:18

Ngaihsun lo-a kampauna in tem hiam bangin mi liamsak thei a, mipilte’ kampauna in tua bang liamna damsak thei hi.

Hebru 8:10

Ahi zongin tu-in Israel mite tawh ka bawl ding thuciamna hih bang ahi hi. Amaute sungah ka thukham ka guang ding a, amaute lungtang tungah gelhin, amaute’ Pasian ka hi ding a, amaute pen keima mi ahi ding uh hi.

Efesa 5:19

La a tuamtuamte genin sakna tawh Topa’ thu gen belin nei unla, na lungsim khempeuh uh tawh Topa phatna la sa un.

Paunak 15:23

A hun mahin dawnpah theihna lungkimhuai a, a kilawm kammal tawh dawnpah theihna hoihzaw kan hi.

Late 140:5

Mi kiphasakte in keimah hong siahna-in tehlop tung sim uh a, amaute in ngenthang zakin lam gei-ah thangzak tawh kei hong siah uh hi.

Late 59:7

Amaute a kam uh tawh nakpipi-in hawk uh a, a muk uh tawh zuauthu gengen uh hi. Bang hang hiam cih leh, “Kua’n hong za ding hiam?” ci-in amaute in ngaihsun uh hi.

Sawltak 5:3

Peter in, “Ananias aw, bang hangin Satan’ thu-in gamta a, na lo zuak man sumte pawlkhat kem simin, Kha Siangtho khem na hi hiam?

Juda 1:15

Pasian’ deihna bangin a gamtat lohna hang uh le kam hoih lopipi zangin Pasian a gensiatnate uh hangin Pasian’ deihna bangin a gamta lo mite tungah thu khenin mawhsakna pia ding hi,” na ci hi.

Efesa 3:8

Pasian’ mi khempeuh lakah kei a neupen hinapi-in, Khrih hangin a kigen zo lo thu manpha ahi Lungdamna Thu, Gentail mite lakah a gen ding,